هەڵەیەک روویدا! دووبارە هەوڵبدە
دووکەڵی ئاگرەکە شارەکانی داپۆشیوە. وێنە: Reuters
رووداو دیجیتاڵ
چەند رۆژێکە پووش و پاوانی دارستانی باکووری بۆلیڤیا دەسووتێت. ئاگرەکە بە جۆرێکە حکومەت لە ئاستیدا دەستەوەستانە.
ئیموندۆ نۆڤیلۆ، وەزیری بەرگریی بۆلیڤیا دەڵێت: "وەکو حکومەت، باری لەناکاومان راگەیاندووە. رێکاری پێویستی ئیداریمان بۆ رووبەڕووبوونەوەی ئاگرەکە دەستپێکردووە."
بەگوێرەی بەرپرسانی بۆلیڤیا، بەهۆی ئاگرەکەوە سێ ملیۆن و 800 هەزار هێکتار سووتاوە کە 60٪ی پووش و پاوان و 40٪یشی دارستان بووە.
پێنج هەزار کارمەندی خۆبەخشیش هاوکاری تیمەکانی ئاگرکوژێنەوە دەکەن. هەریەک لە فەرەنسا، ڤەنزوێلا و بەرازیلیش خواستی خۆیان بۆ هاوکاریکردنی ئەو وڵاتە پێشانداوە.
کاتالینا پاپو، سەرۆکشارەوانی ئوروبیشای بۆلیڤیا دەڵێت: "چواردەورمان ئاگرە. ناتواندرێت کۆنترۆڵبکرێت. ژمارەیەک خۆبەخشمان بۆ کوژراندنەوەی ئاگرەکە هەن کە هەموو هەوڵی خۆیان دەدەن بۆ ئەوەی پێش هەموو شتێک منداڵ و پیرەکان بپارێزن."
دووکەڵی سووتانی دارستانەکان گەیشتووەتە شاری سانتاکروز و چەند شارێکی دیکەی ئەو وڵاتە.
ئەمە لەکاتێکدایە بە گوێرەی ئاژانسی چاودێری ئاسمانی بەرازیل، هەشت مانگی یەکەمی ئەم ساڵ، 36 هەزار و 800 ئاگر لە دارستانەکانی بۆلیڤیا کەوتوونەتەوە، ئەمەش زۆرترینە لەدوای ساڵی 2010ـەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ