رووداو دیجیتاڵ
لێکۆڵینەوەیەکی نوێ دەریخستووە، ژنان پیاوی کەچەڵیان بەلاوە سەرنجڕاکێشە.
ئەنجامی لێکۆڵینەوەکە لە رۆژنامەی دەیلی مەیلی بەریتانی بڵاوکراوەتەوە. لێکۆڵینڤانان پرسیاریان لە دوو هەزار ژن کردووە کە چ شتێکی سەر و سیما و باڵای پیاوانیان بەلاوە سەرنجڕاکێشە.
ئەوەی کە چاوەڕێیان نەدەکرد ئەوە بوو کە بۆیان دەرکەوت، کەچەڵی، دووەم دڵخوازترین شتە لە پیاواندا کە ژنان حەزیان پێیە و لە قژی رەش، زەرد، خاو و لوول زیاتر بە لایانەوە سەرنجڕاکێشە.
ژنان پێیانوایە پیاوانی کەچەڵ پێگەیشتووتر، تێگەیشتووتر، زیرەکتر و دڵسۆزترن.
تاکە شت کە ژنان لە کەچەڵی زیاتر حەزیان لێیە، بە گوێرەی لێکۆڵینەوەکە، لەشڕێکییە، واتە ئەوانەی یاریی ئاسن دەکەن.
ئەمە روونی دەکاتەوە کە بۆچی ئەکتەر و ئەستێرە بەناوبانگەکانی وەک چانینگ تاتوم، دوەین زە رۆک جۆنسن، جێسێ ویڵیەمز، برووس ویڵز، جەیسن ستاسام و تێری کرووز لە نێو ژناندا زۆرترین هەواداریان هەیە.
جێسیکا لیۆنی، گوتەبێژی پێگەی (Illicit Encounters) کە لێکۆڵینەوەکەی کردووە، ئاماژەی بەوە کردووە کە "کەچەڵەکان سەرنجڕاکێشترینن،" بەڵام دەشڵێت: "سەرنجڕاکێشی لە چاوی بینەردایە."
لە دوای کەچەڵی و لەشجوانی، دڵخوازترین تایبەتمەندیی پیاوان لە نێو ژناندا بە ریز ئەمانەن: قژی رەش، قژی لوول، ئێسکی بەرزی روومەت، قژی زەرد، چاوی سەوز، مووی سنگ، تاتوو و گوارە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ