رووداو دیجیتاڵ
سەرۆککۆماری فەرەنسا رۆژی دووشەممە پێشوازیی لە ئازادکردنی بارمتە ئیسرائیلییەکان لەلایەن حەماسەوە کرد و رایگەیاند، بە ئازادکردنیان "دەکرێت ئاشتی بۆ ئیسرائیل، غەززە و ناوچەکە بەدەست بێت."
ئیمانوێل ماکرۆن، سەرۆککۆماری فەرەنسا دوای گەیشتنی بە میسر بۆ بەشداریکردن لە لووتکەیەک لەبارەی غەززە، لە تۆڕی کۆمەڵایەتیی ئێکس نووسی، "هاوبەشی خۆشیی خێزانەکان و گەلی ئیسرائیلم کە 7 بارمتە هەر ئێستا رادەستی خاچی سوور کران."
سوپای ئیسرائیل رایگەیاند، 7 بارمتەکەیان وەرگرتووە و دەگوازرێنەوە بنکەی سەربازیی ریعيم لە باشووری ئیسرائیل بۆ ئەوەی لەوێوە دوای بینینی کەسوکاریان، بگوازرێنەوە بۆ نەخۆشخانەکانی ئیسرائیل.
وەزارەتی دەرەوەی ئیسرائیل لە راگەیێندراوێکدا پێشوازی لە گەڕانەوەی بارمتەکان کرد و گوتی، "738 رۆژ چاوەڕێ بووین ئەمە بڵێین: بەخێربێنەوە بۆ نیشتمان."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ