هەڵەیەک روویدا! دووبارە هەوڵبدە
راهێنانی قوتابییان لە قوتابخانەکە
رووداو دیجیتاڵ
لە قوتابخانەیەکی رۆژهەڵاتی پۆڵەندا قوتابییان فێری بەکارهێنانی چەک و ئامادەکاری بۆ دۆخی جەنگ دەکرێن.
قوتابییەک دەڵێت: "دەزانم کە پێویستە شتێک بۆ وڵاتەکەم بکەم، ئەمەش واملێدەکات ببمە کەسێکی باش و شانازی بە خۆمەوە بکەم".
ئامادەکارییەکە بەهۆی زیادبوونی ئەگەری جەنگ و بەزاندنی ئاسمانی وڵاتەکەیە لەلایەن رووسیاوە. ئەوان لەسەر بنەمای زانیارییەکانی جەنگی ئۆکرایناوە فێردەکرێن. بەشێکیان خەڵکی ئۆکراینان و لە گرنگی بەشداریکردن لەم راهێنانانە تێدەگەن.
قوتابییەکی دیکەش دەڵێت، "ناتوانم قسە لەگەڵ باوکم بکەم. شتەکان لەوێ زۆر خراپن. رۆژانە درۆن و شت بەسەر ماڵەکانماندا دەڕۆن و نازانین سبەی چی روودەدات."
بۆ ئەم قۆناخە، 900 قوتابی راهێنانیان پێدەکرێت، بڕیارە راهێنان بە قوتابیی زیاتریش بکرێت.
یۆرگن ئەکیرمانس، مامۆستایە لە قوتابخانەکە، گوتی، "قوتابیان ئامادەدەکرێن ببنە پاسەوانی سنوور، سەرباز، پۆلیس و کارمەندی بەرگریی شارستانی. ئەم کارانە خواستی زۆریان لەسەرە و مووچەیەکی باشیشیان هەیە."
پۆڵەندا یەکێکە لە وڵاتانی رۆژهەڵاتی ئەورووپا، ئەندامی یەکێتیی ئەورووپا و ناتۆشە. وڵاتەکە ئەم ساڵ 4.8٪ی بودجەکەی بۆ بەرگریی تەرخانکردووە، پار 4.2٪ بۆ ئەو پرسە تەرخانکرابوو. یەکێک لە هۆکارەکانی زیادبوونەکەش ئەگەری روودانی جەنگە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ