پەیامێک لە نەمساوە لەبارەی هێرشەکەی ئێران بۆسەر هەولێر: قبووڵ ناکرێت

 

 

 

ئەلێکساندەر شالنبێرگ: بە بڕوای من، بەرژەوەندیی هاوبەشمان هەیە، کە بریتییە لە سەقامگیری و گەشەکردن. کاتێک پاییزی رابردوو هاتمە عێراق، سەردانی بەغدا و هەولێرم کرد؛ شاندێکی ئابووریی گەورەم لەگەڵ بوو؛ شاندێکی بازرگانی بوو؛ 20 کۆمپانیا بوون. کۆمپانیاکان زۆر حەز دەکەن لە عێراق وەبەرهێنان بکەن. بڕوام وایە کۆمپانیا نەمساییەکان ژمارەیەک خاڵیی باشیان هەیە، یەکەم: دڵسۆزن؛ دووەم: کاری کوالێتیی باش دەکەن؛ سێیەم: ئەجێندای سیاسیی شاراوەیان نییە. ئەوان هیچ شتێکیان ناوێت، تەنیا دەیانەوێت بازرگانی بکەن. هەروەها ئێمە هاوئاهەنگیی ئەمنیمان هەیە. پەیوەندیی دیپلۆماسیی زۆر بەهێزمان هەیە. من باڵیۆزخانەم لە بەغدا کردەوە. زۆر دڵخۆشم لە شێوازی گەشەکردنی پەیوەندییە دووقۆڵییەکانمان. ئەوە بابەتە دووقۆڵییەکە بوو. شتێکی دیکە کە تاوتوێمان کرد، کاروباری هەرێمی بوو، بۆ نموونە، هێرشی مووشەکیی قبووڵ نەکراوی ئێران کە خەڵکی بێتاوانی کوشت. عێراق بۆ ئێمە گرنگە، بۆچی؟ چونکە بوومەلەرزەیەک لە عێراق رووبدات، لە نەمسا هەست بە شەپۆلەکانی دەکەین. ئاساییش و سەقامگیریی عێراق بۆ ئاساییش و سەقامگیریی ئێمە گرنگە. بۆیە زۆر بایەخی پێدەدەم و وەبەرهێنانی تێدا دەکەم؛ هیوادارم بتوانین لە وەبەرهێنان بەردەوام بین.

 

 

ئەلێکساندەر شالنبێرگ: هەنگاوی یەکەمی من ئەوە بوو کە باڵیۆزخانەی نەمسا لە بەغدا بکەمەوە؛ بڕوام وایە لەنێوان هەولێر و ڤییەنناش پەیوەندیی زۆر نزیکمان هەیە. یەکەمین فڕۆکە گەشتی راستەوخۆی لە هەولێرەوە بۆ ڤییەنا کرد. ڤیەنناش ماوەیەکی درێژە بۆ زۆر لە خەڵکی کوردستان بووەتە پەنجەرەیەک بەڕووی رۆژئاوادا. هەروەها ئامادەییەکی ئابووریی بەهێزمان هەیە. ئەگەر پرسیار لە وەزیرێکی دەرەوە بکەیت، ئایا دەیەوێت کۆنسوڵخانەیەک یان باڵیۆزخانەیەک بکاتەوە، هەر کەسێک بێت، پێت دەڵێت: بەڵێ. بەڵام پرسەکە پەیوەندیی بە بودجە و هێزی کارەوە هەیە.

 

 

ئەلێکساندەر شالنبێرگ: بابەتەکە ئەوەیە، دەبێت بزانین مەبەستمان لە بێلایەنی چییە. نەمسا لە ساڵی 1955ـەوە بەپێی دەستووری وڵاتەکەمان، وڵاتێکی بێلایەنە. بێلایەنی بە واتای ئەوە نایەت هیچ بۆچوونێکمان نەبێت. بەڵێ، بە واتای ئەوە دێت کە ئێمە ئەندامی ناتۆ نین. بۆ نموونە، چەک بە ئۆکراینا یان وڵاتانی دیکە نادەین کە لە جەنگدان. بەڵام هەڵوێستمان زۆر روونە، چ لەبارەی ئۆکرایناوە بێت یان رۆژهەڵاتی نێوەڕاست. هەڵوێستی ئێمە هەمیشە لە بەرەی یاسای نێودەوڵەتیدایە، لە بەرەی پەیماننامەی نەتەوە یەکگرتووەکاندایە، بۆچی؟ چونکە ئێمە وەکو وڵاتێکی بچووک پێویستمان بە سیستمێکی نێودەوڵەتییە کە لەسەر بنەمای یاسا بەڕێوەببرێت، بە جۆرێک کە یاساکان جێبەجێ بکرێن و نەکەوینە بەر یاسای دارستان، بەڵکو دەمانەوێت یاسا سەروەر بێت، ئەوە هێڵی سەرەکی و هێڵی سووری ئێمەیە کە بۆ هەموو قەیرانێک دایدەنێین؛ بۆیە هەرگیز نابێت بێلایەنی بە کەم سەیر بکرێت یان بە هەڵە وەکو بێباکی سەیر بکرێت. ئێمە لە بەرامبەر تیرۆردا بێباک نین؛ هەروەها بێباک نین ئەگەر وڵاتێک بڕیار بدات وڵاتێکی دیکە داگیر بکات. ئێمە دەزانین رێک دەبێت لە کوێ بوەستین.