هەڵەیەک روویدا! دووبارە هەوڵبدە
رووداو دیجیتاڵ
مانگی سووری لیبیا دەڵێ، لە کەناراوەکانی وڵاتەکە 2 بەلەم بە 95 کۆچبەرەوە ژێرئاوکەوتوون و لە ئەنجامدا 4 کۆچبەر گیانیان لەدەستداوە.
رۆژی یەکشەممە، 16ی تشرینی دووەمی 2025، مانگی سووری لیبیا بڵاویکردەوە، لە کەناراوەکانی وڵاتەکە بەلەمێک بە 26 کۆچبەری بەنگلادیشییەوە ژێرئاوکەوت و چواریان گیانیان لەدەستدا، ئەوانەی دیکە رزگارکران.
لیبیا بووەتە یەکێک لەو رێگایانەی کۆچبەران بۆ گەیشتن بە وڵاتانی ئەورووپا بەتایبەت ئیتاڵیا و یۆنان و لەوێشەوە بۆ وڵاتانی دیکە بەکاری دەهێنن.
رێکخراوەکە دەڵێ، بەلەمێکی دیکەش بە 69 کۆچبەرەوە ژێرئاوکەوت، بەڵام هەموویان رزگارکران؛ لەنێو بەلەمەکەدا 2 هاووڵاتی میسری هەبوون و ئەوانەی دیکەش سوودانی بوون.
بە گوێرەی کۆمیسیاری باڵای نەتەوە یەکگرتووەکان بۆ کاروباری پەنابەران، ئەم ساڵ لە دەریای نێوەڕاستدا لانیکەم هەزار و 700 کەس گیانیان لەدەستداوە یان بێسەروشووێن بوون. بە گوێرەی رێکخراوی کۆچی نێودەوڵەتی، لە ساڵی 2014ەوە لانیکەم 33 هەزار کۆچبەر لە دەریای نێوەڕاست تووشی هەمان چارەنووس بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ