وەزارەتی دەرەوەی ئەڵمانیا بۆ رووداو: پرۆسەی چارەسەری بۆ کورد لە تورکیا دەرفەتێکی مێژووییە

 

 

بەپێی زانیارییەکانی فەرمانگەی فیدراڵیی کۆچ و پەنابەرانی ئەڵمانیا (BAMF) بۆ رووداو، لە ساڵانی دواییدا زۆربەی ئەو کەسانەی بۆ یەکەمجار داوای مافی پەنابەرییان لە ئەڵمانیا کردووە و لە تورکیاوە هاتوون، بە رەچەڵەک کوردن.

 

 

- 11 هەزار و 919 کەس لە تورکیاوە بۆ یەکەمجار داوای پەنابەرییان کردووە.

-  لەو ژمارەیە 7 هەزار و 753 کەسیان کورد بوون، واتە 65٪ی کۆی گشتی.

 

ئامارەکانی ساڵانی 2023 و 2024ی ئەم فەرمانگەیە، هەر هەمان ئاراستەیان هەبووە؛ لە ساڵی 2023دا لە کۆی 61 هەزار و 181 داواکار، 51 هەزار و 407 کەسیان کورد بوون. لە ساڵی 2024یشدا لە کۆی 29 هەزار و 177 داواکار، 21 هەزار و 417 کەسیان وەک کورد تۆمار کراون.

 

 

گوتەبێژەکەی وەزارەتی دەرەوەی ئەڵمانیا سەبارەت بە پرۆسەی چارەسەری گوتی: "حکومەتی تورکیا لەگەڵ پەکەکە پرۆسەیەکی نوێی چارەسەریی دەستپێکردووە و لەگەڵ  (DEM)  پارتی لە دیالۆگێکی بەردەوامدایە. رێکخراوی پەکەکە رایگەیاندووە کە خۆی هەڵوەشاندووەتەوە. حکومەتی فیدراڵ بەردەوامە لە چاودێریکردنی پرۆسەی چارەسەری. بە بڕوای حکومەت، ئەم پرۆسەیە دەرفەتێکی مێژووییە بۆ کۆتاییهێنان بە شەڕی چەندین ساڵە، کە بووەتە هۆی گیانلەدەستدانی هەزاران کەس، هەروەها دەبێتە هۆی باشترکردنی دۆخی یاسایی کورد لە تورکیا."