هەڵەیەک روویدا! دووبارە هەوڵبدە
رووداو دیجیتاڵ
پۆلیسی ئەفغانستان ڕایدەگەیێنێت، لە هۆتێلێکی شاری کابوڵ تەقینەوەیەک روویداوە و بووەتە هۆی ئاگرکەوتنەوە؛ گوتەبێژی وەزارەتی ناوخۆی ئەو وڵاتەش دەڵێت، تەقینەوەکە کوژراو و برینداری لێکەوتووەتەوە.
ڕۆژی دووشەممە، 19-01-2026، خالید زەدران، گوتەبێژی پۆلیسی کابوڵ رایگەیاند: "تەقینەوەکە لە هۆتێلێک لە شەقامی گوڵفرۆشانی ناوچەی چواری کابوڵ روویداوە." بەبێ ئەوەی هۆکارەکەی ئاشکرا بکات، ئاماژەی بەوەش کرد، تیمەکانی فریاگوزاری و ئاگرکوژێنەوە گەیشتوونەتە شوێنی رووداوەکە.
ئەو شوێنەی تەقینەکەوەی لێبووە بە یەکێک لە قەرەباڵخترین و سەرنجڕاکێشترین شوێنی شارەکە دادەنرێت و ژمارەیەک هۆتێل و فرۆشگای لێیە.
هاوکات عەبدولمەتین قانع، گوتەبێژی وەزارەتی ناوخۆی ئەفغانستان بە رۆژنامەڤانانی راگەیاند، رووداوەکە بووەتە هۆی کوژران و برینداربوونی ژمارەیەک هاووڵاتی.
تائێستا بەرپرسانی تاڵیبان ئاماری فەرمیی قوربانییانیان بڵاونەکردووەتەوە، بەڵام بەگوێرەی میدیای چین، لە رووداوەکەدا دوو هاووڵاتیی وڵاتەکەیان بریندار بوون و کارمەندێکی هێزە ئەمنییەکانی ئەفغانستانیش گیانی لەدەستداوە.
ئەفغانستان ناوبەناو رووبەڕووی هێرشی گرووپە چەکدارەکان دەبێتەوە، کە زۆرجار داعش بەرپرسیاریێتی دەگرێتە ئەستۆ.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ