پۆلیسی ئیتاڵیا دەڵێت، زیاتر لە هەزار ئەکاونتی داخستووە
رووداو دیجیتاڵ
یەکێک لە هۆکارەکانی کەمبوونەوەی چوونی کۆچبەرانی نایاسایی بەهۆی دەستگیرکردنی قاچاخچییان و هەڵوەشاندنەوەی تۆڕەکانیانەوەیە، بۆیە ئیتاڵیا رێگەیەکی نوێ تاقیدەکاتەوە، ئەویش دۆزینەوەی ئەکاونت و پەیجی قاچاخچییان و هاوکارەکانیان و داخستنیانە.
پۆلیسی ناوچەی پالێرمۆی ئیتاڵیا رایگەیاندووە، ئەمڕۆژانە لە ئۆپەراسیۆنێکدا زۆرتر لە 1000 ئەکاونتی لەو جۆرەی داخستووە.
بەپێی پۆلیسی ئیتاڵی، لە هەندێك لەو کەناڵانەدا قاچاخچییان رێکلامیان بۆ پاکێجی خێزانی بۆ کۆچی نایاسایی کردووە و داشکاندنیان بۆ منداڵان و ژنان کردووە.
ئۆپەراسیۆنەکە بە هاوبەشی لەگەڵ کۆمپانیای مێتا کراوە، کە خاوەنی فەیسبووک و ئینستاگرام و واتسئەپە.
پۆلیسی ئیتاڵی دەڵێت، قاچاخچیی لیبی و میسری خاوەنی ئەکاونتەکان بوون، ئەوان بە شێوەی مامناوەند داوای 5000 دۆلاریان بۆ گەیاندنی هەر کۆچبەرێک بە ئەورووپا کردووە، بەڵام هەندێک لە پەیجەکان رێکلامیان بۆ پاکێجی VIPی کۆچی نایاسایی کردووە و داوای پارەیەکی زۆرتریان کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ