دیداری سەرۆکوەزیرانی هەرێمی کوردستان و سەرۆکوەزیرانی لوبنان
رووداو دیجیتاڵ
لە داڤۆس، سەرۆکی حکومەتی هەرێمی کوردستان و سەرۆکوەزیرانی لوبنان کۆبوونەوە و جەختیان لەوە کردەوە کێشەکانی سووریا دەبێت لە رێگەی گفتوگۆوە چارەسەر بکرێن و رێز لە مافی کورد و گشت پێکهاتەکان بگیرێت.
رۆژی چوارشەممە (21-1-2026)، لە پەراوێزی کۆڕبەندی ئابووریی جیهان لە داڤۆس، مەسرور بارزانی، سەرۆکی حکومەتی هەرێمی کوردستان لەگەڵ نەواف سەلام، سەرۆکوەزیرانی لوبنان کۆبووەوە.
بەگوێرەی راگەیێندراوی حکومەتی هەرێمی کوردستان، لە دیدارەکەدا دوایین گۆڕانکاری و پێشهاتەکانی عێراق و ناوچەکە تاوتوێ کراون.
تەوەرێکی سەرەکیی کۆبوونەوەکە تایبەت بوو بە دۆخی سووریا؛ هەردوولا جەختیان لە پاراستنی ئاسایش و سەقامگیریی ئەو وڵاتە و کۆتاییهێنان بە شەڕ و پێکدادانی سەربازی کردەوە.
مەسرور بارزانی و نەواف سەلام هاوڕابوون لەسەر ئەوەی "کێشەکان لە رێگەی گفتوگۆ و دیالۆگ و رێزگرتن لە مافەکانی گەلی کورد و گشت پێکهاتەکان چارەسەر بکرێن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ