رووداو دیجیتاڵ
بەرپرسانی تەندروستیی ویلایەتی تامیل نادو رایانگەیاند، بەهۆی خواردنەوەی کحولی ساختەوە 34 کەس گیانیان لەدەستدا و 100 کەسی دیکەش بردرانە نەخۆشخانە.
ئێم کەی ستالین، سەرۆکوەزیرانی ویلایەتی تامیل نادو بە میدیای وڵاتەکەی راگەیاند، کحولەکە کە لەگەڵ میسانۆل تێکەڵکراوە و بووەتە هۆی، گیانلەدەستدانی ئەو کەسانە.
بە گوێرەی بەرپرسانی تەندروستی ویلایەتی تامیل نادو، رووداوەکە لە ناوچەی کالاکورچی روویدا و 100 کەسیش رەوانەی نەخۆشخانە کراون. تەندروستی بەشێکیان خراپە و مەترسی بەرزبوونەوەی ژمارەی قوربانیان هەیە.
بەگوێرەی میدیای هیندستان، مردن بەهۆی خواردنەوەی کحولی ساختەوە نامۆ نییە بە هیندستان، چونکە دانیشتووانە هەژارەکەی ئەو وڵاتە ناتوانن خواردنەوە رێگەپێدراوەکان بکڕن؛ ئەمە بەهۆی گرانی نرخیانەوە.
ساڵی 2022 تەنیا لە ویلایەتەکانی بیهار و گوجارەت، 58 کەس بەهۆی خواردنەوەی کحولی ساختەوە گیانیان لەدەستدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ