رووداو دیجیتاڵ
میدیای بۆسنیا بڵاویکردەوە، لە رووداوێکی تەقەکردندا لە باکووری وڵاتەکە سێ کەس کوژران و یەکێک برینداربوو. رووداوەکە لە قوتابخانەیەک روویداوە و تەقەکەرەکە ویستوویەتی خۆی بکوژێت، بەڵام بریندار بووە.
رۆژی چوارشەممە، 21-08-2024، پۆلیسی بۆسنیا بڵاویکردەوە، لە شارۆچکەی سانکسی مۆست، پاککەرەوەی قوتابخانەیەکی ئامادەیی، بەڕێوەبەر، سکرتێری بەڕێوەبەر و مامۆستایەکی کوشتووە." دواتر، پاککەرەوەکە گولـلەی بەخۆیەوە ناوە و ویستوویەتی خۆی بکوژێت، بەڵام نەمردووە و بە سەختی بریندارە.
عەدنان بێگانۆڤیچ، گوتەبێژی پۆلیسی هەرێمی ئونا سانا رایگەیاند: "دەورووبەری کاژێر 10:30 [11:30 بەکاتی هەولێر] لە رووداوێکی تەقەکردن ئاگادار کراینەوە. ئەو کەسەی تەقەی کردووە بە سەختی خۆی بریندار کردووە و هێشتا لێکۆلێنەوەکان بەردەوامن."
بێگانۆڤیچ رایگەیاند: "لەبەر ئەوەی قوتابخانەکان هێشتا لە پشووی هاوینەن، هیچ قوتابییەک لە قوتابخانەکە نەبووە."
میدیای بۆسنیا لە زاری شایەتحاڵێک رایگەیاند: "پاککەرەوەکە پێشتر چەند لێکتێنگەیشتنێکی لەگەڵ بەڕێوەبەرایەتیی قوتابخانەکە هەبوو. کێشەی لەگەڵ ئەو کەسانەدا هەبووە کە تەقەی لێکردوون."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ