دیمەنێکی نێو مارکێتەکە
رووداو دیجیتاڵ
لە شاری گێڵزنکیرشنی ئەڵمانیا، کە ژمارەیەکی زۆری موسڵمان و 32 مزگەوتی لێیە، کوردانیش خاوەنی مزگەوتی خۆیانن و چەندین ساڵە مزگەوتی برایەتی کراوەتەوە. لە مانگی رەمەزاندا، خواستی کوردانی تاراوگە لەسەر بەرهەمە خۆماڵییەکانی کوردستان زیاد دەکات.
حاجی هشیار جزیری، کە خەڵکی دهۆکە و لە گێڵزنکیرشن دووکانێکی لەنێو مزگەوتە کوردییەکە کردووەتەوە، بەرهەمەکانی کوردستان هاوردە دەکات و دەیانفرۆشێت.
حاجی هشیار ئاماژەی بەوە کرد، زۆربەی کڕیارەکانی خەڵکی باشووری کوردستانن، بەتایبەتی ناوچەی بادینان، هەروەها هاووڵاتییانی ئێزدی و کرستیانیش سەردانی دووکانەکەی دەکەن.
هەروەها باسی لەوەش کرد کە بەپێی داواکاریی کڕیارەکانی، کەلوپەل لە کوردستانەوە بۆ ئەڵمانیا دەهێنێت. دەربارەی خواستی کڕیارەکانیش باس لەوە دەکات کە ئێزدییەکان زیاتر کەشک و ژاژی لێ دەکڕن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ