رووداو دیجیتاڵ
لە رووداوێکی تەقەکردنی هەڕەمەکیدا لە ویلایەتی ئەلەبامای ئەمریکا چوار کەس کورژان و ژمارەیەکی دیکەش برینداربوون.
رووداوەکە کاژێر 11:00ی شەوی شەممە بە کاتی ئەلەباما، کە دەکاتە 7:00ی بەیانیی یەکشەممە بە کاتی هەولێر، لە گەڕێکێکی شاری بێرمینگهام دروستبووە.
بە گوێرەی میدیای ئەمریکی، دوو پیاو و ژنێک کە برینی گوللـە بە جەستەیانەوە دیاربووە، لە شوێنی رووداوەکە بێجووڵە کەوتبوون، دواتر راگەیێندرا کە هەرسێکیان گیانیان لەدەستداوە. چوارەمیان لە نەخۆشخانە گیانی لەدەستدا.
بە گوتەی میدیای ئەمریکی، ژمارەیەک تەقەکار لە رووداوەکەدا تێوەگلابن.
گوتەبێژێکی نەخۆشخانەی بێرمینگهامی ویلایەتی ئەلەباما رایگەیاندووە، 11 برینداری رووداوەکەیان پێ گەیشتووە.
پۆلیسی بێرمینگهام لە پۆستێکی تۆڕی کۆمەڵایەتیی ئێکسدا رایگەیاند، ئەفسەرەکانیان بۆ لێکۆڵینەوە گەیشتوونەتە شوێنی رووداوەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ