هەڵەیەک روویدا! دووبارە هەوڵبدە
رووداو دیجیتاڵ
ئۆفیسی ئاماری سلۆڤاکیا رایگەیاند، 66%ـی دەنگەکانی هەڵبژاردنی سەرۆکایەتی جیاکراونەتەوە و سەرۆکی پێشووی پەرلەمان 40.39٪ و وەزیری پێشووی دەرەوە 36.9%ـی دەنگەکانیان بەدەستهێناوە؛ پێناچێت کەسیان لە خولی یەکەمدا ببنە سەرۆکی وڵات.
رۆژی شەممە، 23ـی ئاداری 2024، ئۆفیسی ئاماری سلۆڤاکیا بڵاویکردەوە، پێناچێت هیچ کام لە بەربژێرانی سەرۆکایەتی وڵات بتوانن سەروو 50%ـی دەنگەکان بەدەستبهێنن و ببنە سەرۆکی وڵات. هەروەها دەشڵێت، 66%ـی دەنگەکانیان جیاکردوونەتەوە.
ئۆفیسی ئاماری سلۆڤاکیا ئاماژەی بەوەش کرد، لەو دەنگانەی جیاکراونەتەوە پیتەر پلیگرینی، سەرۆکی پێشووی پەرلەمان و بەربژێری پارتی سۆشیاڵ دیموکراتەکان 40.39%ـی دەنگەکانی بەدەستهێناوە. هەروەها، ئیڤان کۆرچۆک، وەزیری پێشووی دەرەوەی سلۆڤاکیا و بەربژێری پارتی ئازادی و سەربەخۆیی 36.9%ـی دەنگەکانی بەدەستهێناوە.
ئەگەر هیچ کام لە بەربژێرانی سەرۆکایەتیی سلۆڤاکیا کە نۆ کەسن سەروو 50%ـی دەنگەکان بەدەستنەهێنن، ئەوا 6ـی نیسانی ئەم ساڵ خولی دووەمی هەڵبژاردنی سەرۆکایەتیی وڵاتەکە دەکرێت.
سلۆڤاکیا ئەندامی ناتۆ و یەکێتیی ئەوروپایە؛ ژمارەی دانیشتووانی وڵاتەکە 5.4 ملیۆن کەسە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ