رووداو دیجیتاڵ
بزووتنەوەی تاڵیبان کە چەند مانگێکە لە ئەفغانستان دەسەڵاتی گرتووەتە دەست، هەڵوێستی خۆی لەبارەی دۆخی ئۆکراینا ئاشکرا کرد و رایگەیاند، "لەنزیکەوە چاودێریی دۆخەکە دەکەین"، نیگەرانیی خۆیشی لەبارەی کەوتنەوەی قوربانیی سڤیل دەربڕیوە.
بزووتنەوەی تاڵیبان لە راگەیێندراوەکەیدا دەڵێت، "ئیمارەتی ئیسلامیی ئەفغانستان لەنزیکەوە چاودێریی دۆخی ئۆکراینا دەکات و نیگەرانین لە کەوتنەوەی قوربانیی مەدەنی [بەهۆی جەنگەوە]".
لە راگەیێندراوەکەیدا تاڵیبان داوای لە هەردوو لایەنی رووسیا و ئۆکراینا کردووە "دان بە خۆیاندا بگرن"، ئاماژەی بەوەش کردووە "هەموو لایەنەکان دەبێت خۆیان بەدووربگرن لەوەی ببنە هۆی زیادبوونی تووندوتیژی".
تاڵیبان داوای لە رووسیا و ئۆکراینا کردووە کە کێشەکەیان لەڕێگەی "دایەلۆگ و هۆکاری ئاشتییانە چارەسەر بکەن".
هاوکات داوای لە لایەنەکانی بەشدار لە شەڕ و پێکدادانەکانی ئۆکراینا کردووە کە سەلامەتیی ژیانی قوتابیانی ئەفغانستان و کۆچبەران لە ئۆکراینا لەبەرچاو بگرن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ