هەڵەیەک روویدا! دووبارە هەوڵبدە
رووداو دیجیتاڵ
گوتەبێژی کۆشکی سەرۆکایەتیی رووسیا (کریملێن) هۆشداری دەداتە ئەمریکا و رایدەگەیێنێت، هەر هێرشێکی سەربازی بۆ سەر ئێران دەبێتە هۆی "ناسەقامگیریی جیدی" لە رۆژهەڵاتی نێوەڕاست. داواش لە لایەنەکان دەکات دان بەخۆیاندا بگرن.
ئەمڕۆ دووشەممە 26-01-2026، دیمیتری پیسکۆڤ، گوتەبێژی کریملێن لە مۆسکۆ لەبارەی ئەگەری هێرشی ئەمریکا بۆ سەر ئێران بە رۆژنامەڤانانی راگەیاند: "بێگومان ئەوە هەنگاوێکی دیکە دەبێت بە ئاراستەی ناسەقامگیریی جیدی لە ناوچەکە".
پیسکۆڤ ئاماژەی بە هەوڵەکانی وڵاتەکەی کرد و گوتی: "رووسیا بەردەوامە لە هەوڵەکانی بۆ کەمکردنەوەی گرژییەکان. لەم دۆخەدا، پێویستە هەموو لایەنەکان دانبەخۆیاندا بگرن و سەرنجیان لەسەر دانوستاندنی ئاشتییانە بێت بۆ چارەسەرکردنی کێشەکان".
لێدوانەکەی بەرپرسەکەی رووسیا لەکاتێکدایە، دوێنێ میدیای ئیسرائیل بڵاویکردەوە، لە هەفتەی رابردووەوە ئەمریکا ئامادەکارییەکانی بۆ هێرشکردنە سەر ئێران چڕکردووەتەوە و کەشتیی جەنگی بەرەو ناوچەکە جووڵاندووە.
پێشتریش دۆناڵد ترەمپ، سەرۆکی ئەمریکا چەندین جار هەڕەشەی وەشاندنی گورزی سەربازیی لە دژی ئێران کردبوو وەک وەڵامێک بۆ کوشتنی خۆپێشاندەران، بەڵام دوای ئەوەی تاران جێبەجێکردنی سزای لەسێدارەدانە پلان بۆ داڕێژراوەکانی راگرت، وا دەردەکەوێت ترەمپ لەو هەڕەشانە پاشەکشەی کردبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ