هەڵەیەک روویدا! دووبارە هەوڵبدە
گۆوا جەیکۆن، گوتەبێژی وەزارەتی دەرەوەی چین.
رووداو دیجیتاڵ
وەزارەتی دەرەوەی چین دەڵێت، هیوادارن ئاگربەستێکی بەردەوام و کاریگەر بۆ بەرەوپێشبردنی ئاشتی و سەقامگیری لە رۆژهەڵاتی نێوەڕاستدا بەدەستبهێنرێت.
گۆوا جەیکۆن، گوتەبێژی وەزارەتی دەرەوەی چین بە مەهدی فەرەج، پەیامنێری رووداو لە چین راگەیاند، "ئاڵوگۆڕی بازرگانی چین لەگەڵ عێراق بە شێوەیێکی ئاسایی پارێزراوە، و هیوادارین ئاگربەستێکی بەردەوام و کاریگەر بۆ بەرەوپێشبردنی ئاشتی و سەقامگیری لە رۆژهەڵاتی نێوەڕاستدا بەدەستبهێنرێت."
رۆژی 13ـی حوزەیران جەنگی ئێران و ئیسرائیل دەستیپێکرد و رۆژی 24 مانگ بە پێشنیازی ئەمریکا جەنگەکە کۆتایی هات.
وەزارەتی دەرەوەی چین لە چوارەمین رۆژی جەنگەکە بە رووداوی راگەیاند، "بەردەوام دەبین لە پەیوەندیکردن لەگەڵ لایەنە پەیوەندیدارەکان و زیادکردنی دانوستاندنی ئاشتی و دوورکەوتنەوە لە ناسەقامگیرکردنی زیاتری دۆخی ناوچەکە."
گۆوا جەیکۆ لەبارەی ئاسایشی وزەیش ئاماژەی بەوە دا، چین لەسەر بنەمای "بەرژەوەندییە نیشتمانییەکانی خۆی" ڕێوشوێنی گونجاو دەگرێتە بەر.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ