رووداو دیجیتاڵ
بەهۆی ئاگری دارستانەکان، ماوەی دوو رۆژە ئاسمانی شاری بەرازیلیای پایتەختی بەرازیل بە دووکەڵ داپۆشراوە.
نێوەڕاستی بەرازیل دوایین ناوچەی وڵاتەکەیە کە دووکەڵی ئاگری دارستانەکانی ئەمازۆن، سێرادۆ، پانتانال و ویلایەتی ساوپاولۆیان پێ بگات.
دامودەزگا ژینگەییەکانی بەرازیل دەڵێن، کوالیتیی هەوای شاری بەرازیلیا لە دوو رۆژی رابردوودا گەیشتووەتە ئاستێکی زۆر ناتەندروست و لە ساڵی 2007ـەوە، ئەمە یەکەمجارە دووکەڵەکە بەمشێوەیە لە شارەکاندا چڕبێتەوە.
بەهۆی دووکەڵەکەوە، ئەو چالاکییانەی لە دەرەوە و شوێنی کراوەدا دەکرێن، هەڵوەشێنرانەوە و فڕۆکەخانەی شاری گوایانای دراوسێی بەرازیلیا بۆ چەند کاژێرێک داخرا.
لێکۆلینڤانان دەڵێن، گۆڕانی کەشوهەوا هۆکاری سەرەکیی گەیشتنی دووکەڵەکەیە بە ناوچەکانی وەک ساوپاولۆ و بەرازیلیا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ