رووداو دیجیتاڵ
عەبدولئەمیر شەمەری، وەزیری ناوخۆی عێراق بە سەرۆکایەتیی شاندێکی باڵای ئەمنی گەیشتە بێلاڕووس.
رۆژی 25-12-2024 عەبدولئەمیر شەمەری، وەزیری ناوخۆی عێراق بە سەرۆکایەتیی شاندێکی باڵای ئەمنی گەیشتە ئەنقەرەی پایتەختی تورکیا.
دوای کۆبوونەوەی لەگەڵ هاوتا تورکییەکە و بەرپرسانی دیکەی ئەو وڵاتە، وەزیری ناوخۆی عێراق کۆتایی بەسەردانەکەی هێنا و ئێوارەی دوێنێ گەیشتە بێلاڕووس.
بەگوێرەی راگەیێندراوی وەزارەتی ناوخۆی عێراق، "سەردانەکە بۆ بەهێزکردنی هاوکاری و هاوئاهەنگی نێوان هەردوو وڵاتە".
وەزیری ناوخۆ وێڕای کۆبوونەوەی لەگەڵ هاوتاکەی، چاویشی بە ژمارەیەک بەرپرسی دیکەی ئەمنی ئەو وڵاتە دەکەوێت بۆ ئاگاداربوون لە میکانیزمی کارکردنی هێزەکانی پۆلیسی بێلاڕووس و ئەزموونیان.
شەمەری ژمارەیەک مژاری دیکە لەگەڵ بەرپرسانی ئەو وڵاتە تاوتوێ دەکات، لەوانەش راهێنان بە پسپۆرانی عێراقی لە ئەکادیمیای وەزارەتی ناوخۆی ئەو وڵاتە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ