Hewlêr (Rûdaw) - Berpirsê Navenda Ragihandinê ya Hêzên Sûriyeya Demokratîk (HSD) Ferhad Şamî ragihand ku civîna şandeya wan a bi rayedarên hikûmeta Şamê re bi dawî bûye.
Şamî teqez kir ku mijara sereke ya civînê "tevlîbûna leşkerî" bûye. Ferhad Şamî ji ser hesabê xwe yê Xê daxuyanî da.
Hin televîzyon û kanalên Erebî diyar kir ku civîn ne erênî bûye. Şamî bersiv da wan îdiayan.
Dan û standinên li ser tevlîbûna leşkerî
Ferhad Şamî di daxuyaniya xwe de diyar kir ku civîna di navbera şandeyek ji fermandariya hêzên wan û berpirsên hikûmeta Şamê de bi dawî bûye.
Hat destnîşankirin ku ev hevdîtin di çarçoveya dan û standinên têkildarî pêvajoya tevlîbûna leşkerî de pêk hatiye.
Hûrgilî dê bi fermî bên eşkerekirin
Di daxuyaniyê de hat diyarkirin ku hûrgilî û encamên civînê dê piştî temambûna şêwiran bi awayekî fermî ji raya giştî re bên ragihandin.
Şamî li ser nûçeyên nefermî hişyarî da û got: "Ew agahiyên ku niha li derveyî vê çarçoveyê tên belavkirin, rastiya nîqaşên nav civînê nîşan nadin."
Pêşengî aştî û aramî ye
Berpirsê Navenda Ragihandinê ya HSDyê da zanîn ku nîqaş li ser esasên pîşeyî û berpirsyarî tên birêvebirin.
Şamî da zanîn ku armanca wan ew e ku encamên lêkolînkirî bi dest bixin û "aştî û aramî di serê pêşengên wan de cih digirin."
Civîna fermandarên Hêzên Sûriyeya Demokratîk (HSD) û Hikûmeta Demkî ya Sûriyeyê ya li ser mijara "entegrasyona leşkerî" bi dawî bû.
Di civînê de Fermandarê Giştî yê HSDyê Mezlûm Ebdî û fermandarekî payebilind ê Amerîkayî jî amade bûn.
Navenda Ragihandinê ya HSDyê bi daxuyaniyekê ragihand ku civîna şandeya wan a bi rayedarên Hikûmeta Demkî re ya li Şamê bi dawî bûye.
HSDyê diyar kir ku civîn di çarçoveya nîqaşên li ser "entegrasyona leşkerî" de hatiye lidarxistin.
Navendê destnîşan kir ku "Dê piştre hûrgilî û encamên civînê bên parvekirin."
Kî di şandeyê de bû?
Şandeya HSDyê ji Fermandarê Giştî Mezlûm Ebdî û endamên Fermandariya Giştî Sozdar Hacî û Sîpan Hemoyê pêk hat.
Her wiha hat diyarkirin ku Fermandarê Operasyona Biryardariya Xwezayî Kevin J. Lambert jî beşdarî civînê bûye
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse