Hewlêr (Rûdaw) - Li Tirkiye û Bakurê Kurdistanê qedexe û tedbîrên ku ji ber Coronayê hatine ragihandin ji meha Adarê ve têne sistkirin.
Serokomarê Tirkiyê Recep Tayyîp Erdogan duh piştî civîna kabîneyê daxuyaniyek da û ragihand ku ew ê qedexeyên Coronayê qonax bi qonax rakin.
Li gorî daxuyaniya Erdogan, bajarên Tirkiye û Bakurê Kurdistanê wê li gorî metirsiya Coronayê bi ser kategoriyên cuda de bêne dabeşkirin. Metirsiya kêm, navincî, zêde û gelekî zêde û li gorî rewşa Coronayê ya li wan bajaran û derzîkirina xelkê li dijî wê vîrusê, qedexeya derketina derve wê qonax bi qonax bê rakirin.
Li ser vekirina xwaringeh, kafeterya û baran jî di rojên pêş de wê nexşerêyek li gorî rewşê bê eşkerekirin û proseya perwerdeya rû bi rû jî berdewam be.
Di derbarê proseya derzîkirinê de jî Erdogan diyar kir ku heta niha 5 milyon û 700 kes hatine derzîkirin.
Li Tirkiye û Bakurê Kurdistanê ji 30ê mijdara sala borî ve nava hefteyê ji saet 9ê şevê heta 5ê sibehê û dawiya hefteyan jî bi temamî derketina derve qedexe ye û kafeterya girtî ne û xwaringeh bi şêweyê servîsa pakêtan kar dikin. Xelk jî daxwaz dikin ev qedexe bêne rakirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse