Komîsyon ve hefteyê dê li nûnerên saziyên ramanê guhdarî bike

Hewlêr (Rûdaw) - Komîsyona Hevgirtina Netewî, Biratî û Demokrasiyê vê hefteyê dê mazûvaniya nûnerên saziyên ramanê û navendên lêkolînan bike.

Komîsyona Hevgirtina Netewî, Biratî û Demokrasiyê dê 12emîn civîna xwe 24ê Îlonê saz bike.

Nûnerên saziyên ramanê û navendên lêkolînan dê beşdarê 12emîn civîna Komîsyonê bibin û dê nerîn û pêşniyarên xwe yên derbarê pêvajoyê de pêşkêş bikin.

Di çarçoveya pêşniyar û daxwazên endamên Komîsyonê de qonaxa guhdarkirinê berdewam e lê piraniya endamên komîsyonê behsa wê yekê dikin ku êdî divê komîsyon derbasî qonaxa sererastkirinên yasayî bibe.

Li gorî ku hatiye ragihandin, piştî temamkirina qonaxa guhdarkirinê dê nerîn û pêşniyarên yasayî bên amadekirin.

Hefteya borî di civîna 11emîn de ji ber gotinên Alîkarê Serokê Komeleya ITTIHADê Mehmet Beşîr Şîmşek alozî derketibû û endamên DEM Partiyê jî demekê ji civînê derketibûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger