Trump: Îsraîl dê careke din êrişî Qeterê neke

Hewlêr (Rûdaw) - Serokê Amerîkayê Donald Trump ragihand ku Îsraîl dê careke din êrişî Qeterê neke.

Serokê Amerîkayê Donald Trump li Koşka Spî pirsên rojnamegeran bersivandin û qala êrişa asmanî ya Îsraîlê ya li Qeterê jî kir.

"Qeter hevalbendekî gelekî baş e"

Donald Trump diyar kir ku Serokwezîrê Îsraîlê Benjamin Netanyahu dê careke din êrişî Qeterê neke û wiha got:

"Qeter hevalbendekî gelekî baş e û gelek kes vê yekê nizanin."

Trump her wiha bal kişand li ser wê yekê ku Îsraîl dê li hemberî Hemasê hinek tedbîrên tund wergire û got:

“Netanyahu dê careke din li Qeterê nede lê dibe ku bide dûv wan (Hemas)."

Îsraîlê hefteya borî bi tundî baregeheke Hemasê ya li Dohaya paytexta Qeterê bombebaran kiribû.

Îsraîlê ragihandibû wan ku di êrişê de çend serkirdeyên Hemasê kirine armanc.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger