رووداو دیجیتاڵ
بەگوێرەی ماڵپەڕی شەفافیەت، داهاتی هەفتەیەکی پارێزگاکانی سلێمانی و هەڵەبجە زیاتر لە 9 ملیار دینارە و بەراورد بە هەفتەی رابردوو زیاتر لە شەش ملیار دینار کەمیکردوووە.
ماڵپەڕی شەفافیەت بڵاویکردووەتەوە، داهاتی پارێزگاکانی سلێمانی و هەڵەبجە لە 02-08-2025 تاوەکو ئەمڕۆ هەینی 08-08-2025، نۆ ملیار و 530 ملیۆن و 491 هەزار و 680 دینارە.
هەفتەیەک پێشتر داهاتی هەمان سنوور بە گوێرەی شەفافیەت، 16 ملیار و 233 ملیۆن و 471 هەزار و 614 دینار بووە، بەوەش زیاتر لە 6 ملیار و 702 ملیۆن دینار کەمیکردووە.
داهاتی پار لەو سنوورانە زیاتر لە 900 ملیار دینار بووە و ئەم ساڵیش تاوەکو ئەمڕۆ نزیکەی 560 ملیار دینارە.
داهاتەکان نانەوتین و لە رێگەی 6 گەنجینە لە سلێمانی، گەرمیان، راپەڕین، چەمچەماڵ و هەڵەبجە کۆدەکرێنەوە.
رۆژی 15-12-2022 قوباد تاڵەبانی، جێگری سەرۆکی حکومەتی هەرێمی کوردستان کردنەوەی ماڵپەڕی شەفافیەتی راگەیاند.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ