رووداو دیجیتاڵ
ئال پاچینۆ، ئەکتەری ئەمریکی، رایگەیاند، لە کاتی بڵاوبوونەوەی کۆرۆنا لە 2020، خەریک بوو بمرێت، تەنانەت بە شێوەیەکی کاتی لێدانی دڵی وەستا.
ئەو لێدوانەی ئال پاچینۆ، لە کاتی راگەیاندنی کتێبێکی لەبارەی ژیاننامەی بەناوی " Sonny Boy: A Memoir" بوو.
ئەو ئەکتەرە رایگەیاند، هەستی نەدەکرد لە دۆخێکی باشدا بێت، بۆیە داوای پەرستارێکی کرد بۆ ماڵەوە.
ئاماژەی بۆ ئەوەشکرد، بەهۆی تای زۆرەوە لێدانی دڵی وەستا، دوای چەند خولەکێک ئۆتۆمبێلی ئامبوڵانس لە بەردەم ماڵەکەیدا بوو. لە ژووری چاودێری چڕ دوو پزیشک و شەش کەسی دیکە لەگەڵیدا بوون. گوتیشی، کاتێک چاوی کردەوە، تیمە پزیشکییەکە گوتیان: "گەڕایەوە".
ئال پاچینۆ لە 25ـی نیسانی 1940 لە ئەمریکا لە دایکبووە، بە یەکێک لە کاریگەرترین ئەکتەرەکانی سەدەی بیستەم دەناسرێت، براوەی چەندین خەڵاتە، لەوانە؛ ئۆسکار، دوو خەڵاتی تۆنی و دوو خەڵاتی پرایم تایم ئێمی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ