رووداو دیجیتاڵ
هاووڵاتیێکی پاکستانی بەهۆی رۆڵگێڕانی لە فیلمی 'دەنگی ئاسن' بووە یەکەم موسڵمان لە مێژوودا کە بەربژێربکرێت بۆ وەرگرتنی خەڵاتی ئۆسکار بۆ باشترین ئەکتەر.
دوێنێ دووشەممە، ناوی بەربژێرەکان بۆ وەرگرتنی خەڵاتی ئۆسکار ئاشکراکران کە بڕیارە مانگی داهاتوو رێوڕەسمەکە بەڕێوەبچێت، ناوی ریز ئەحمەد کەوتە بەرچاوی موسڵمانانی سەرتاسەری جیهان.
ریز ئەحمەد لە 2017دا بەهۆی رۆڵگێڕانی سەرەکی لە زنجیرەی The Night Of سەرجەم بەربەستەکانی تێکشکاند و بووە یەکەم موسڵمان خەڵاتی ئێمی وەرگرێت.
ئەکتەرە 38 ساڵییەکە یەکەم موسڵمان و یەکەمین ئەکتەری ئاسیایشە بەهۆی رۆڵی سەرەکی ئەو خەڵاتە وەرگرێت.
پێشتر موسڵمانی دیکە هەبوون لە بواری جیاوازدا خەڵاتی ئۆسکاریان وەرگرتووە، بەڵام ئەوەی ریز ئەحمەد بەربژێرکردنە بۆ وەرگرتنی خەڵاتی باشترین ئەکتەر.
مەهرشالا عەلی، ئەکتەرێکی ناوداری ئەمریکی کۆمەڵگەی رەشپێستەکانە، لە 2000ـەوە بووەتە موسڵمان، عەلی لە 2017دا خەڵاتی ئۆسکاری بۆ باشترین ئەکتەری پاڵپشتیکار وەرگرت لە فیلمی Moonlight.
ریز ئەحمەد سەبارەت بە بەربژێرکردنی بە میدیاکانی راگەیاند، " گەشتێکی دووروودرێژمان دەستپێکرد تاوەکو بەو فیلمە گەیشتین، لەگەڵ داریوس ماردەری دەرهێنەردا 13 ساڵە کاری لەسەر دەکەین."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ