رووداو – هەولێر
کتێبی "حیکمەتەکانی شەمس و مەولانا" بریتییە لە حیکمەت و ئەفۆریزمەکانی شەمسی تەبرێزی و مەولانا جەلالەدینی رۆمی و لە وەرگێڕانی زانا خەلیلە، چاپ و بڵاودەکرێتەوە.
زانا خەلیل نووسەر و وەرگێڕ بە تۆڕی میدیایی رووداوی راگەیاند "حیکمەتەکانی شەمس و مەولانا" تازترین کتێبیەتی و ناوەڕۆکی بریتییە لە حیکمەت و ئەفۆریزمەکانی هەردوو عاریفی هەموو چاخەکان شەمسی تەورێزی و مەولانا جەلالەددینی رۆمی.
گوتیشی، کتێبەکە لە چەند رۆژی داهاتوودا لە لایەن خانەی کولتوور چاپ و بڵاودەکرێتەوە و حیکمەت و ئەفۆریزمەکان لە زمانی عەرەبییەوە هەڵبژێردراون و کراونەتە کوردی.
زانا خەلیل وەک شاعیر، رۆماننووس و وەرگێڕ، تاوەکو ئێستا چەندین کتێبی بە چاپ گەیاندووە و لە زمانی ئەڵمانی و عەرەبییەوە دەقە ئەدەبییەکان بۆ زمانی کوردی وەردەگێڕێت.
شەمسی تەورێزی ناوی تەواوی شەمسەددین محمد کوڕی ملک دادی تەورێزییە، لە ١١٨٥زایینی لە ، لە 1248 کۆچی دوایی کردووە، عاریف، شاعیر و سۆفییەکی - سونی ناسراوی موسڵمانە.
مەولانا جەلالەددینی رۆمی کە بە جەلالەددین محەممەد رۆمیش دەناسرێت، لە 30 ئەیلوولی 1207 لە گوندی وەخش لە دایکبووە کە شارۆچکەیەکی بچووکی سەر رووباری وەخشە و و ئێستای تاجیکستان و لە 17 کانوونی یەکەمی 1273 کۆچی دوایی کردووە.
مەولانا جەلالەددینی رۆمی شاعیر و عارفێکی فارس بوو، بەرهەمەکانی بە فارسی نووسراونەتەوە و مەسنەوییەکانی ئەو یەکێکن لە پاراوترین شاکارەکانی ئەدەبی ئێرانی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ