هەڵەیەک روویدا! دووبارە هەوڵبدە
چەمچەماڵ کاتی لافاوەکە.
رووداو - تەندروستی
بەڕێوەبەری کارگێڕیی بەڕێوەبەرایەتیی خۆپاراستنی تەندروستیی سلێمانی رایدەگەیێنێت، هۆشداری تەواو دراوە بە دانیشتووانی چەمچەماڵ بۆ رووبەڕووبوونەوەی هەر دۆخێکی نالەبار و بۆ پاراستنی زیاتری تەندروستییان.
ئەمڕۆ سێشەممە 6-1-2026 د. کارزان رەفیق، پسپۆڕی خۆپاراستنی تەندروستی کە بەڕێوەبەری کارگێڕیی بەڕێوەبەرایەتیی خۆپاراستنی تەندروستیی سلێمانییە بە رووداوی راگەیاند، لە ئەنجامی هەڵمەتێکی فراوانی هۆشیاری تەندروستی و پشکنینی ئاو و خۆراکی زیانلێکەوتووانی چەمچەماڵ، سەردانی 900 ماڵ کراوە و نزیکەی چوار هەزار هاونیشتمانیش هۆشیار کراونەتەوە.
د. کارزان رەفیق روونی دەکاتەوە، رێنوێنی دراوەتە 22 خوێندنگەی چەمچەماڵ و هەزاران خوێندکاریش لە مامەڵەکردنی دروست لەگەڵ خۆراک، خواردنەوە و ئاو هۆشیار کراونەتەوە.
بەپێی خۆپاراستنی تەندروستی لە سلێمانی، هیچ نەخۆشییەک بەهۆی لافاو و پیسبوونی ئاوەوە لە چەمچەماڵ بڵاو نەبووەتەوە.
بەهۆی بارانبارینەوە لە 9ـی کانوونی یەکەم لە بەشێکی باشووری کوردستان لافاو دروستبوو. لافاوەکە تەنیا زیانی مادی نەبوو، بەڵکو بووە هۆی گیانلەدەستدانی پێنج هاونیشتمانی و بێسەروشوێنبوونی ئەندازیارێکی عەرەب. راپۆرتێک ببینە.
بەهۆی بارانبارینەوە لە 9ـی کانوونی یەکەم لە بەشێکی باشووری کوردستان لافاو دروستبوو. لافاوەکە تەنیا زیانی مادی نەبوو، بەڵکو بووە هۆی گیانلەدەستدانی پێنج هاونیشتمانی و بێسەروشوێنبوونی ئەندازیارێکی عەرەب. راپۆرتێک ببینە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ