هەڵەیەک روویدا! دووبارە هەوڵبدە
رووداو - تەندروستی
توێژینەوەیەکی نوێ لە بەریتانیا دەریدەخات، جگەرەی ئەلیکترۆنی هاوشێوەی جگەرەی ئاسایی هەمان کاریگەریی مەترسیداری هەیە و نابێت وەکو جێگرەوە بەکاربهێندرێت.
توێژینەوەکە لە زانکۆی مانچێستەر میترۆپۆڵیستان لە ئینگلاند بۆماوەی دوو ساڵ لەسەر دوو گرووپ کراوە کە دانەیەکیان تەنیا جگەرەی ئاسایی و ئەوەی دیکەیان ڤەیپکی کێشاوە، دەرکەوتووە کە هەمان کاریگەرییان هەبووە لەسەر مەترسییەکانی نەخۆشیی دڵ و پەککەوتنی ئەندامەکانی جەستە.
د. ماکسیم بۆیدان، پسپۆڕی دڵ و سەرپەرشتیاری توێژینەوەکە دەڵێت: لە هەندێک باردا جگەرەی ئەلیکترۆنی زۆر زۆر مەترسیدارترە لە جگەرەی ئاسایی، چونکە زیاتر دەکێشرێت و تام و بۆنی پەسندکراوترە.
هەرچەندە ناوەندی خزمەتگوزاریی تەندروستیی بەریتانیا NHS جەختی لەوە کردووەتەوە کە دەتواندرێت جگەرەی ئەلیکترۆنی بۆ وازهێنان لە جگەرەکێشان بەکاربهێندرێت، بەڵام لەژێر راوێژی پزیشکی پسپۆڕ!
بەپێی NHS، ئێستا پێنج ملیۆن و 100 هەزار بەکارهێنەری جگەرەی ئەلیکترۆنی لە بەریتانیا هەن و زۆرترینیاشیان تەمەن 16 بۆ 24 ساڵن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ