مەلا عەبدولحەمید هەڵەبجەیی، سەرۆکی لقی هەڵەبجەی یەکێتیی زانایانی ئایینیی کوردستان
رووداو - تەندروستی
سەرۆکی لقی هەڵەبجەی یەکێتیی زانایانی ئایینیی کوردستان لەبارەی پڕۆژەی ئەنتیتۆباکۆوە رایدەگەیێنێت، پرۆژەی ئەنتیتۆباکۆ پڕبایەخە و یارمەتیدەرە بۆ وازهێنان لە تووتن.
مەلا عەبدولحەمید هەڵەبجەیی، سەرۆکی لقی هەڵەبجەی یەکێتیی زانایانی ئایینیی کوردستان بە رووداوی راگەیاند، پاڵپشتیی پرۆژەی ئەنتیتۆباکۆ دەکەین و هەموو زانایان بەرهەمەکانی تووتن بە حەرام دەزانن.
ئەوەشی گوت کە ئیمانداران دەبێت لە تووتن و بەرهەمەکانی بەدوور بن، چونکە زیان بە تەندروستی دەگەیێنن و ئەمەش لە ئایینی ئیسلام رێگەپێنەدراوە.
کامپەینی ئەنتیتۆباکۆ بەردەوامە و ئەمجارە بەتایبەتە بەوانەی دەیانەوێت لە مانگی رەمەزاندا واز لە جگەرە، نێگەلە و ڤەیپ بهێنن.
بۆ ئەوەی بەشداریبکەیت پێویستە لەم فۆڕمە ناوت تۆماربکەیت، یاخود پەیوەندی بە 07513233353 یان 07713233353 بکەیت.
چۆنیەتیی پشکنینی بەشداربووان لە کلینیکی ئەنتیتۆباکۆ؛
سەرەتا بەشداربوو خۆی تۆماردەکات و پشکنینی سەرەتایی بۆ دەکرێت و چارەسەریش وەردەگرێت، پاشان دوای مانگێک دەبیندرێتەوە، ئینجا پاش سێ مانگ دووبارە دەبیندرێتەوە و پاشانیش دوای سێ مانگ دیکە پشکنینی بۆ دەکرێت، واتە 7 مانگ کەسی بەشداربوو کە وازی لە تووتن هێناوە چاودێریدەکرێت و ئەوانەی لە پشکنینەکان دەردەچن کە وازیان لە تووتن هێناوە، دەخرێنە نێو تیروپشک و لە 1-1-2026 براوەی خەڵاتەکە رادەگەیێندرێت.
بەم شێوەیە خۆت تۆماربکە؛
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ