هەڵەیەک روویدا! دووبارە هەوڵبدە
ئەو بڕە دەرمانەی بۆ هەریر دابین کرا. وێنە: رووداو
رووداو - تەندروستی
دەزگایەکی تەندروستی بڕێکی زۆر دەرمان بەسەر نەخۆشخانەی هەریر و بنکە تەندروستییەکانی ئەو سنوورە دابەش دەکات، ئەمەش بەهۆی ئەوەی کورتهێنانی دەرمان لەو ناوچانە هەیە.
ئەمڕۆ سێشەممە 13-5-2025 دەزگای تەندروستیی گشتیی کوردستان هەڵمەتەکەی ئەنجامدا و د. نوور جیهان، بەڕێوەبەری گشتیی تەندروستیی شەقڵاوە و بەڕێوەبەری نەخۆشخانەی هەریر بە وەکالەت، بە رووداوی گوت؛ ئەو بڕە دەرمانە زیاتریان لە دەرمانی نەخۆشییە درێژخایەنەکان پێکدێت.
د. نوور جیهان زیاتر ئاماژەی بەوەدا کە لە سنووری شەقڵاوە پێویستیان بە ئامێر و پێداویستیی پزیشکی هەیە و دەڵێت: ''لە هەندێک گوند پێویستمان بە ئامێری پزیشکی هەیە، بەڵام لەلایەن تەندروستیی هەولێرەوە دابین نەکراون''.
دەرمانەکان بایی زیاتر لە 16 ملیۆن دینار دەبن و لە دژەبەکتریا، ئازارشکێن و دەرمانی نەخۆشییەکانی شەکرە و بەرزەپەستانی خوێن پێکدێن، د. محەممەد حەسەن، سەرۆکی دەزگاکە دەڵێت: ''نزیکەی دوو ساڵە بەردەوام لە دابینکردنی دەرمان بۆ ناوچە جیاوازەکانی کوردستان''.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ