هەڵەیەک روویدا! دووبارە هەوڵبدە
رووداو - تەندروستی
توێژینەوەیەکی نوێ لە ئوسترالیا ئاشکرای دەکات، بەسەربردنی زیاتر لە 10 کاژێر یارییە ئەلیکترۆنییەکان لە هەفتەیەکدا ئەگەری خەوزڕان و زیادبوونی کێش زیاد دەکات.
توێژینەوەکە لەلایەن توێژەرانی زانکۆی کێرتن لە ئوسترالیا لەسەر سەتان خوێندکاری زانکۆ کرا و دەرکەوت، ئەوانەی هەفتانە زیاتر لە 10 کاژێر یارییە ئەلیکترۆنییەکانیان کردووە خەویان ناڕێک بووە و کێشیشیان نزیکەی 2 بۆ 4 کیلۆگرام زیاد بووە.
د. ماریۆ سێرڤۆ، سەرپەرشتیاری توێژینەوەکە دەڵێت، ئێمە ئەوەمان ئاشكراکردووە کە زێدەڕۆیی لە یاریکردن کێشەی جیدی دروستدەکات، نەک خودی یاریکردنەکە.
بۆیە پسپۆڕان پێشنیاز دەکەن، لە هەفتەیەکدا کەمتر لە 10 کاژێر خۆیان بە یارییە ئەلیکترۆنییەکانەوە خەریک بکەن.
لە یەکێک لە بەرنامەکانی (لەگەڵ رەنج)دا باسی یارییە ئەلیکترۆنییەکان کرا. پسپۆڕانی دەروونناسی و شارەزایانی بوارەكە هۆشداری دەدەن كە بەكارهێنانی بێ سانسۆری یارییەكان و نەبوونی چاودێری، مەترسی گەورەی لەسەر رەوشتی كۆمەڵگەو داهاتووی منداڵان دروست كردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ