یەکە گەڕۆکەکە بۆ پشکنینی نەخۆشییەکانی مەمک.
رووداو - تەندروستی
لە هەنگاوێکدا بۆ زوو دەستنیشانکردنی شێرپەنجەی مەمک، یەکەیەکی پشکنینی گەڕۆک لە ناحیە و گوندەکانی دەوروبەری هەولێر دەست بەکار بووە و پشکنینی مامۆگرام بەبێ بەرامبەر بۆ هاونیشتمانییان ئەنجام دەدات.
د. هیوا ئاڵەیی، بەڕێوەبەری بەڕێوەبەرایەتیی تەندروستیی دەشتی هەولێر بە تۆڕی میدیایی رووداوی راگەیاند، "بە هاوئاهەنگی لەگەڵ بەڕێوەبەرایەتیی خۆپاراستنی تەندروستی، ئەم کارەمان دەستپێکردووە و پشکنینی مامۆگرام بێ بەرامبەر بۆ هاونیشتمانییان دەکەین."
د. هیوا ئاڵەیی، گوتیشی، "ئامانجمانە زۆرترین پشکنین بکرێت، پزیشکی پسپۆڕمان لەگەڵدایە کە دەتوانێت یەکسەر دوای پشکنینەکە سەیری ئەنجامەکان بکات و بە کەسەکەی رابگەیێنێت."
یەکە گەڕۆکەکە سەرەتا بۆ ماوەی دوو هەفتە لە ناحیەی بنەسڵاوە دەمێنێتەوە و دواتر دەچێتە ناحیەی قوشتەپە، بەڕێوەبەری تەندروستیی دەشتی هەولێر جەختی لەوە کردەوە، "ئامانجی سەرەکیمان ئەوەیە بگەینە گوندەکان و خزمەتگوزارییەکان بە هەموو هاونیشتمانییان بگەیەنین."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ