هەڵەیەک روویدا! دووبارە هەوڵبدە
د. ئازاد نەجار، داهێنەری دڵێکی دەستکرد لەنێو ستۆدیۆ و لەکاتی وەرگرتنی خەڵاتەکەی لە سوێد. وێنە: رووداو
رووداو - تەندروستی
پزیشکێکی کورد، خاوەن و داهێنەری ئامێرێکە کە هاوشێوەی دڵ کاردەکات و لە راپرسییەکی تایبەت کە بۆ ژمارەیەک داهێنەر کرابوو پلەی یەکەمی بەدەستهێنا، پزیشکە کوردەکە لەنێو بوولتەنی تەندروستیدا باسی نهێنیی ئامێرەکە دەکات و دەڵێت: ''کورد میللەتێکی داهێنەرە''.
ئەمڕۆ یەکشەممە 18ـی ئاداری 2024 د. ئازاد نەجار، داهێنەری دڵی دەستکرد لە بوولتەنی تەندروستیدا گوتی، ئەو دڵە دەستکردە لەڕووی پێکهاتە و فیسیۆلۆژییەوە هاوشێوەی دڵی مرۆڤ کاردەکات.
تەنانەت د، نەجار باسی تایبەتمەندییەکی ئامێرەکە دەکات بەوەی کە ئەگەر جەستە پێویستی بە پاڵنانی خوێنی زیاتربێت، ئەوا ئامێرەکە راستەوخۆ فەرمانەکانی دەگۆڕێت و خوێنی زیاتر بۆ جەستە پاڵدەنێت.
د. ئازاد نەجار دەڵێت: ''ئامانجمانە پەرەی زیاتر بە ئامێری دڵی دەستکرد بدەین و نوێترین تەکنیک لە ئامێرەکەمان بەکاربهێنین، تاوەکو کوالێتیی شێوازی ژیانی ئەو کەسەی دڵە دەستکردەکەی بۆ دادەنرێت باش بێت و هەست بە ناڕێکی نەکات''.
لە بەشێکی قسەکانیدا ئەو پسپۆڕە گوتی، ئامێرەکەیان لەسەر ئاژەڵ تاقیکردووەتەوە و ساڵانی داهاتووش لەسەر مرۆڤ تاقیدەکەنەوە.
لە رێورەسمێکدا کە 14ـی ئەم مانگە لە سوێد بەڕێوەچوو، ئەو کەسانە خەڵاتکران کە داهێنان و بیرۆکەی جیاوازی پێشکەوتنی مرۆڤایەتییان هەبوو.
د. ئازاد نەجار لەگەڵ هاوکارەکانی خەڵاتکران بەوەی کە داهێنەری ئامێرێکن کە وەکو دڵ کاردەکات، ئەو پزیشکە دەڵێت: لە هەوڵدان تاوەکو ئەو ئامێرە وەکو دڵێکی دەستکرد کە بە باتری کاردەکات بناسێنن و ببێتە جێگرەوەیەکی کاریگەر بۆ ئەوانەی دڵیان لەکارکەوتووە و تووشی جەڵتە بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ