رووداو - تەندروستی
توێژینەوەیەکی بەریتانی دەریدەخات، خواردنەوەی چا دەبێتەهۆی کەمبوونی مەترسیی تووشبوون بە نەخۆشییەکانی دڵ و لوولەکانی خوێن.
سەرپەرشتیاری توێژینەوەکە لە دامەزراوەی دڵ لە بەریتانیا دەڵێت: خواردنەوەی چا سوودی هەیە بۆ دڵ و کەمکردنەوەی پەستانی خوێن و نەخۆشییەکانی دڵ، چونکە چا مادەی فلاڤۆنۆیدی تێدایە کە ئەو مادەیەش وەک دژەئۆکسان و دژی هەوکردن لەناو جەستە کاردەکات.
د. تیم بۆند، سەرپەرشتیاری توێژینەوەکە روونی دەکاتەوە، مادەی فلاڤۆنۆید یارمەتیی کشانی ماسوولکەکان دەدات و لوولەکانی خوێن فراواندەکات، بەمەش پەستانی خوێن و ئەگەری تووشبوون بە جەڵتە کەمبێتەوە.
توێژینەوەکە لەلایەن دامەزراوەی دڵ لە بەریتانیا کرا و دەرکەوت، نزیکەی 7.6 ملیۆن کەس لە بەریتانیا نەخۆشیی دڵ و لوولەکانی خوێنیان هەیە و ئەم ژمارەیە لە زیادبوونە.
بەپێی رێکخراوی تەندروستیی جیهانی، نەخۆشییەکانی دڵ و لوولەکانی خوێن سێیەم هۆکاری مردنن لە جیهاندا.
توێژینەوەیەکی ئەمریکی لە سانت لوکیس تایبەت بە شەکر و نەخۆشییەکانی دڵ دەریدەخات، شەکر سوودەکانی چا کەمدەکاتەوە و پێشنیازدەکات، چا بەبێ شەکر بخورێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ