هەڵەیەک روویدا! دووبارە هەوڵبدە
رووداو - تەندروستی
پسپۆڕێکی کلینیکیی خۆراکی رایدەگەیێنێت، راستە بە رێژیمی کیتۆ کێشێکی زۆر دادەبەزێت، بەڵام کەسەکە دەشێت تووشی کەمیی ڤیتامین و مادە کانزاییەکان ببێتەوە و چەوریی LDLـیش کە ناسراوە بە چەوریی خراپ زیاد دەبێت.
ئەمڕۆ چوارشەممە 21-5-2025 د. هۆلیم هاشم، پسپۆڕی کلینیکیی خۆراک بە رووداوی راگەیاند، پەیڕەوکردنی رێژیمی کیتۆ نابێت لە 20 رۆژ زیاتر تێبپەڕێت و پێویستە پسپۆڕێکی خۆراکی لەگەڵ کەسەکەدا بێت، ئەگەر نا کاریگەریی خراپی دەبێت لەسەر ئەوانەی کێشەی گورچیلە و دڵیان هەیە یاخود کێشەی ریخۆڵە و شەکرەیان هەیە.
د. هۆلیم هاشم دەڵێت: باشترین سیستمی رێژیمی خۆراکی بۆ کیتۆ ئەوەیە کە دەبێت لەژێر سەرپەرشتیی پسپۆڕێکدا باشترین سەرچاوەی ڤیتامین و مادەی کانزایی لەگەڵدا بخورێت.
ئەوەش روون دەکاتەوە، رێژیمی کیتۆ شوێنی وەرزش و خەوی رێک ناگرێتەوە و پێویستە بۆ دابەزاندنی کێش بە شێوەیەکی سرووشتی و تەندروست هەم خەو و خۆراک رێک بخرێنەوە، هەمیش وەرزش بکرێت و لە ژێر راوێژی کەسێکی پسپۆڕ رێژیمێکی دیاریکراو دابنرێت.
پڕۆفیسۆرێکی بواری کوێرەڕژێنەکان قسەی بۆ رووداو کردووە و دەڵێت: ''چەوریییەکانی خوێن بەرزدەکاتەوە و ئەگەری تووشبوون بە هەوکردن زیاددەکات''. {لێرەوە قسەکانی بزانە}
ئەم پسپۆڕە لە پۆدکاستی نەخۆشنامە هۆشداری دەدات و گوتی، ''زۆرجار کیتۆ بووەتەهۆی بەردی زراو و سستبوونی گورچیلە''
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ