هەڵەیەک روویدا! دووبارە هەوڵبدە
دکتۆر لونا خالید - د. دەشتی ئاکرێیی
رووداو - تەندروستی
پسپۆڕ و توێژەرێکی بواری فیزیای ناوەکی رایدەگەیێنێت، هێرشەکانی ئەمریکا لەسەر وێستگەی پیتاندنی یۆرانیۆم لە بوشەهر بوونایە، چێرنۆبڵێکی نوێ دروست دەبوو، چونکە وێستگەکە لەکارکردن بەردەوامە و ئەگەر لەکاتی کارکردن بۆردوومان بکرایە ئەوا مەترسی زۆر دەبوو.
ئەمڕۆ یەکشەممە 22-6-2025 د. دەشتی ئاکرێیی، پسپۆر و توێژەر لە بواری فیزیای ناوەکی لە بووڵتەنی تەندروستیدا رایگەیاند، ئەگەر مادە تیشکدەرەکان و یۆرانیۆم لەنێو وێستگەکاندا مابن و بۆردومان بکرێت، ئەوا ئەگەری دەرچوونیان زۆر دەبێت، بەڵام ئەگەر دەرهێنرابن، ئەوا پاشماوەکانیان هەر کاریگەرییان لەسەر دەوروبەر دەبێت، بەڵام بڵاوبوونەوەکەیان کەمترە.
دەستەی نیشتمانیی چاودێریی ئەتۆمی، تیشکی، کیمیایی و بایۆلۆژیی عێراق رایگەیاند، هیچ پیسبوونێکی تیشکی لە عێراق تۆمار نەکراوە و سەرجەم پێوەرەکان ئاسایین. د. دەشتی ئاکرێیی گوتی، ''لەبەر ئەوەی مادەکانی نێو وێستگە بۆردوومانکراوەکان پێشتر لابراون، بۆیە مەترسیی بڵاوبوونەوەی تیشکەکان کەمترن یاخود مەترسییان نابێت''.
د. دەشتی ئاکرێیی دەڵێت: شارە کوردییەکان لە وێستگەی پیتاندنی یۆرانیۆمی بوشەهر دوورن و زیاتر وێستگەی تەنز و فۆردۆ نزیکن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ