رووداو - تەندروستی
پسپۆڕێکی نەخۆشییەکانی هەناو رایدەگەیێنێت، پەتای وەرزی پێوستی بە بەکارهێنانی دەرمانی دژەزیندەی نییە و بەڵکو تەنیا بە پشوودان خۆراک دەتوانرێت چارەسەر بکرێت.
ئەمڕۆ دووشەممە 22-9-2025 د. هەرێم کەریم، پسپۆڕی نەخۆشییەکانی هەناو لە بووڵتەنی تەندروستی رایگەیاند، "ئەو کەسانەی بەرگریی جەستەیان بەهێزە تەنیا پشوو وەربگرن." بەڵام هۆشداری دەدات بەو کەسانەی کە لە گروپی مەترسیدان و دەڵێت، "ئەوانەی تەمەنیان زۆرە و نەخۆشیی سینگ یان سییەکانیان هەیە، یان منداڵی خوار تەمەن دوو ساڵن و پەتاکە دەگرن پێویستە بە زووترین کات سەردانی پزیشکی پسپۆڕ بکەن."
بە گوتەی د. هەرێم کەریم داوا دەکات هاووڵاتییان خۆیان لە بەکارهێنانی دەرمانی دژەزیندە (ئەنتی بایۆتیک) بەدووربگرن و ئەگەر پێویستیان پێی بوو، سەردانی پزیشکی پسپۆڕ بکەن.
بۆ بەهێزکردنی بەرگریی جەستە و خۆپاراستن لە پەتای وەرزی، د. هەرێم کەریم رێنمایی دەدات بە "وەرزشکردن، خۆراکی تەندروست، خەوی باش و کەمکردنەوەی گوشاری دەروونی، هەروەها دوورکەوتنەوە لە جگەرە، نێرگەلە و ڤەیپ."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ