رووداو - تەندروستی
بۆ یەکەمین جار کۆنفرانس و پێشانگەیەکی تایبەت بە کەرتی گەشتاریی عێراق لەڕووی چارەسەرە پزیشکییەکانەوە سازدەکرێت و لە ئەمڕۆوە {27ـی نیسان} تاوەکو {29ـی نیسان} لە بەغدا بەردەوام دەبێت.
د. ئەحمەد ساڵەیی، سەرۆکی دەستەی کارگێڕیی یەکەمین پێشانگە و کۆنفرانسی گەشتیاریی پزیشکیی عێراق بە رووداوی راگەیاند، ئامانجی سەرەکییان ئەوەیە دەروازەیەکی نوێ بەڕووی خەڵکانی بیانیی دەرەوەی وڵات بکەنەوە بۆ ئەوەی لەوێوە بێنە عێراق و چارەسەری پزیشکی وەربگرن.
د. ئەحمەد ساڵەیی گوتی، ''دەمانەوێت پەیوەندیی پتەوتر دروست ببێت لەنێوان کۆمپانیا بیانییە پزیشکییەکان و تەندروستیی عێراق بۆ هاوئاهەنگیی زیاتر و هەناردەکردن و ئاڵوگۆڕکردنی بەرهەمی پزیشکی و چارەسەرکردنی نەخۆش لەنێوانمان''.
پێشانگەکە بە سەرپەرشتیی وەزارەتی تەندروستیی عێراق دەبێت و دەیان کەسانی بەرپرسی تەندروستی و کارگێڕیی سیستمی تەندروستیی عێراق بەشدارن، چەندان پانێڵ بۆ بەهێزکردنی کەرتی گەشتوگوزاریی پزیشکی و باشترکردنی کواڵیتیی چارەسەرییەکان بەڕێوەدەچن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ