رووداو - تەندروستی
توێژینەوەیەکی ئەڵمانی دەریدەخات، خواردنی درەنگانی شەو، کۆنتڕۆڵکردنی شەکری خوێن تێکدەدات و کەسەکە بەردەوام شەکری خوێنی بەرز و نزم دەکات، ئەمەش رێخۆشکەر دەبێت بۆ تووشبوونی بە شەکرە.
توێژینەوەکە لە پەیمانگەی ئەڵمانی بۆ خۆراکی مرۆیی ئەنجامدراوە، دەریخست، خواردنی ژەمەکان لە درەنگی شەودا کاریگەریی نەرێنی لەسەر کۆنتڕۆڵکردنی شەکری خوێن هەیە و هۆرمۆنی ئەنسۆلین بەباشی لە جەستەیان کار ناکات بۆ رێکخستنی شەکر لە خوێنیاندا.
توێژینەوەکە ئاشکرای دەکات، ئەو کەسانەی دواژەمیان نزیکتر لەکاتی خەودا دەخۆن، هەستیاریی جەستەیان بۆ هۆرمۆنی ئەنسۆلین کەمتر دەبێتەوە و جەستەیان بە باشی ناتوانێت شەکر لە خوێنیاندا کۆنتڕۆڵ بکات.
د. جانا ڤالهاوس، سەرپەرشتیاری توێژینەوەکە دەڵێت، ئەمە وادەکات زیندەچالاکییەکانی جەستە تێکبچن و پاشان ببێتە هۆی تێکدانی کاتژمێری بایۆلۆژیی جەستە.
لەگەڵ ئەوەشدا، د. جانا ئاماژە بەوەش دەکات، گرنگترە بایەخ بە جۆری خۆراکەکە بدرێت، وەک خواردنی دانەوێڵەی تەواو و خۆراکی دەوڵەمەند بە ریشاڵەکان لەژیانی رۆژانەدا و دوور بکەوینەوە لە خواردن لە درەنگانی شەودا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ