نێرگس محەممەدی لەبارەی درامای ستایش: ئەو رۆڵە خاڵی گۆڕانکاری بوو لە ژیانمدا

 

نێرگس محەممەدی لە چاوپێکەوتنێکی تایبەتدا لەگەڵ رووداو، کە لەسەرەتای گەیشتنی بە سلێمانی ئەنجامدرا، باسی لەوە کرد، تاوەکو ئێستاش خەڵک زۆربەی بە ناوی "ستایش"ـەوە بانگی دەکەن و ئەوەشی بە جێگەی شانازی دەزانێت کە بەرهەمێکیان لە کوردستان ئەوەندە بینەری هەبووە، بە جۆرێک کە لە فڕۆکەخانەش بەو ناوەوە پێشوازی لێکراوە.

 

سەبارەت بە هۆکاری سەرکەوتنی گەورەی دراماکە، ئەکتەرە ئێرانییەکە ئاماژەی بەوەدا کە چیرۆکەکە لەسەر بنەمای "لەخۆبردوویی و قوربانیدانی دایک بۆ خێزانەکەی" نووسراوە و زۆربەی ژنانی کۆمەڵگە، چ لە ئێران و چ لە هەرێمەکەش، خاوەنی ئەو خەسڵەتەن. گوتیشی: "من لەو بڕوایەدام کە ژن بە لەخۆبوردەیی لەدایک دەبێت و بەخشندەیی بە دەوروبەری دەبەخشێت".

 

لە بەشێکی دیکەی چاوپێکەوتنەکەدا، "ستایش" بۆ یەکەمجار باسی ژیانی هاوسەرگیریی کرد کە دوای چاوپێکەوتنێکی چەند ساڵ پێش ئێستا پێکیهێناوە و گوتی: "لە کاتی ناسین تاوەکو هاوسەرگیری تەنیا چوار مانگی خایاند". هەروەها نێرگس محەممەدی ئاشکرای کرد، لەگەڵ هاوسەرەکەی کە سینەماکارە پڕۆژەی هاوبەشیان لە بەردەستە و هیوای خواست بتوانێت کاری هونەری لەگەڵ سینەماکارە کوردەکانیش ئەنجام بدات.

 

 

 

نێرگس محەممەدی: من لەسەرەتادا دەمەوێ سڵاو لە هەموو ئەو خۆشەویستانە بکەم کە ئەم بەرنامەیە دەبینن، بە سەرجەم بینەرانی کورد زمان، زۆر دڵخۆشم لێرەم، هەرچۆن پێتان خۆشە بانگکم بکەن، ئیدی من راهاتووم، ماوەی 10 ساڵە راهاتووم لەسەر ناوی ستایش. 

 

 

نێرگس محەمەمدی: هەموویان نا، بەڵام لە شارەکان زۆربەیان بە ستایش بانگم دەکەن.  

 

 

نێرگس محەمەدی: زۆر بەلامەوە سەرنجراکێش بوو، هەر لە سەرەتاوە کە گەیشتمە فڕۆکەخانە، پۆلیسە خۆشەوستەکان کە لە فرۆکەخانە بوون، لە راستیدا بۆ خۆم جێگەی باوەڕ نییە ئەوەندە لێرە ستایشیان بینیوە، من نازانم چەند جار پەخش بووە، بەڵام زۆر سوپاسی خەڵک دەکەم، زۆر سوپاسیان دەکەم کە ئەم درامایەیان دیوە و حەزیان لێبووە و ئەمە بۆ من جێگەی شانازییە.  

 

 

نێرگس محەممەدی: شتێکی کە گۆڕی، من زۆر بچووکتر بووم و ئەزموونی ئەوەی هەموو کەس من بناسێ نەمبووە، من بەو درامایە ناسرام، ئەزموونی ناسراوبوونم بەو درامایە بەدەست هێنا، بەڵام لە ژیانی خۆمدا ئەر رۆڵەی دەمگێرا، ئێستا دەتوانم بڵێم دوای 10 ساڵ هێشتا باسی ئەو فیلمنامەیە دەکرێت، نووسەرێکی بەهێز بوو، ئێستاش کە سەیری دەکەین نوێیە و کۆن نەبووە، بە گشتی دراما کە دواتر سەیری دەکەیت بۆ ئەو سەردەم و رۆژە نییە (ئابدەیت نییە) بۆ خودی خۆم ئەزموونێکی سەیر بوو، ژیانێکی دیکە ژیام لەگەڵ دوو منداڵ و هاوسەرێک، کە لەدەستم داوە، ئەو رووداوانەی کە لەگەڵ خەزوورم روویاندەدا، هەست دەکەم کە بەشێکی دیکە و شتێکی دیکە ژیاوم، ئەم نێرگس محەممەدییە نییە.  

 

 

نیرگس محەممەدی: ئەزیزەکەم لەبەرئەوە، بە بڕوای من ئێمە ژنانی ئێرانی و هەروەها بڕوادەکەم لەو هەرێمەی ئێوەش هەر وا بێت، ژنانی زۆر لە خۆبردوون و لە نەوەی رابردوو ئەمە زۆر زیاتر بووە، ئەم لەخۆبردووییە لە ژیان زۆر زۆر بووە و من لەو بڕوایەدام، زۆربەی خێزانەکان هۆگری ئەمە بوون، ئێوە لە وڵاتێکی دیکەدان حەزتان لەو درامایەیە، لە زۆر جێگەی دیکە، ئەم درامایە پەخش بووە و خەڵک پێشوازی لێکردووە، بەهۆی ئەو رووداوانەیە کە بەسەر ژنێک دێن و بەهۆی ئەو قوربانیدان (لە خۆبردووییە) دایک بۆ خێزانەکەی هەیەتی، بۆ باوکی هەیەتی، بۆ براکەی هەیەتی. دەزانن چیرۆکی ئێمە سەرەتا بەوە دەستیپێکرد کە براکەی دەیەوێت بڕوات و دەچێت زێڕەکانی بۆ براکەی دەفرۆشێت، دەزانن بە درێژایی چیرۆکەکە، وابزانم 150 ئەڵقەی ستایشمان بەرهەمهێنا و لەو 150 ئەلقەیە بەردەوام خەریکی قوربانیدان و لە خۆبوردەییە، تەنانەت لە وەرزی سێیەم کە ئامادە نییە دووبارە هاوژینی بکات لەبەرئەوەی منداڵەکانی گەورەبوون، من لەو بڕوایەدام کە زۆر لە ژنانی کۆمەڵگە، لە زۆربەی شوێنەکانی جیهان ئەم لەخۆبوردەییەیان بەرامبەر بە خێزانەکانیان هەیە، راستە نەوە گۆڕاوە، بەڵام هێشتا زۆرن ئەوانە، من لەو بڕوایەدام کە ژن بە لەخۆبوردەیی لەدایک دەبێت، واتە ژن بەخشندەییەکی هەیە کە ئەو دەبەخشێتە کەسانی دەوروبەری، من وابزانم بەهۆی ئەمەیە خەڵک زۆر حەزیان لەو درامایەیە.  

 

 

نێرگس محەممەدی : بەڵێ ئەوە یەکەمجارە و زۆریش دڵخۆشم 

 

 

نێرگس محەممەدی: چەند رۆژ؟ وابزانم تاوەکو هەینی لێرە دەبین، واتە تاوەکو پێنج رۆژی دیکە.  

 

 

نێرگس محەممەدی: بەڵێ تاوەکو پێنج رۆژی دیکە لێرەین و ئەو بڕیارەی کە داومە، وەکو هەمیشە حەزدەم وەکو هەموو ئەو وڵاتانە کە دەڕۆم، سەردانی خەڵک و بازاڕ و شوێنە جیاوازەکان بکەم، لەبەرئەوی من لەو باوەڕەدام کە دەبێ بچمە ناو دڵی خەڵکەوە، نامەوێ هەر لە هۆتێل دانیشم، دەمەوێ بڕۆم ببینم بزانم لێرە چۆنە، کولتووریان چۆنە، چی دەکەن، خواردنگەکان، دەمەوێ زیاتر سلێمانی بگەڕێم و ببینم.

  

 

نێرگس محەممەدی: تاوەکو ئێستا هیچ قسەیەکمان نەکردووە، بەڵام بە شانازییەوە بۆ نا؟، لەبەرئەوەی سینەمای کوردستان، سینەمایەکی گرنگە، ئەو چیرۆکانەی ئەوان دەگێڕنەوە جیاوازن لەگەڵ ناوچەکانی دیکە، لەبەرئەوەی چیرۆکی بە ئازارن و سەلیقەی منە. هیوادارم ئەمە روو بدات و هیوای لەشساخی دەخوازم بۆ ئەوانەی کە ئەم فێستیڤاڵەیان سازکردووە، ئیشاڵڵا هەر بمێنێ و ئێمەش بتوانین لە 50 ساڵەی فێستیڤاڵ بەشدار بین.  

 

 

نێرگس محەممەدی: هێشتا دەرفەتم نەبووە کە بەرهەمەکان ببینم، لەمڕۆوە دەستم پێکردووە کە بەرهەمە کورتەکان ببینم، چەند بەرهەمی درێژ ببینم. 

 

 

نێرگس محەممەدی:  هێشتا هیچ شوێنێکم نەدیوە، بازارەک هەبوو دوێنێ سەردانمان کرد، ئەمڕۆش هاتووینەتە ئەم بەرە، هێشتا هیچ شوێنێکم نەدیوە ، هەر لێرەوە بەڵێن دەدەم کە چاوپێکەوتنم لەگەڵ ئێوە تەواو بێ دەچم سلێمانی دەگەڕێم. 

 

 

نێرگس محەممەدی: بەڵام شتێکی زۆر گرنگی دیکە هەیە و لەوکاتەوە کە هاتووم سەرنجی منی راکێشاوە، خەڵکی زۆر میهرەبانن (بەرەحمن) و ئەو میهرەبانییە لە زۆر شوێنی کەم ئاوا دەبینرێت.  

 

نێرگس محەممەدی: من هاوسەرگیرم کردووە، هاوژینم بەڕێز ئۆجییە، کە ئێستا دوو فیلمی لێرە بەشدارن، من لەلایەن خۆشەوستم عەلی-یەوە هاتووم، عەلی دوو فیلمی لێرە هەیە کە یەکێکیان بە ناوی( 6ی بەیانی) و ئەوەی دیکەیان کاری بەڕێز کەلارییە بە ناوی (پیاوکوژ)، بەڵام وابزانم لە فیستیڤاڵی ئیوە بە ناوی (هاوینی هەمان ساڵ)ـە ، من بەڕێوەبەری یەکێک لە پڕۆژەکان بووم و لە لایەن عەلییەوە هاتووم.  

 

 

نێرگس محەممەدی:  پشتی ئەو چاوپێکەوتنە بوو هاوسەرگیریم کرد. 

 

 

نێرگس محەممەدی: ماوەیەکی درێژ بوو عەلیم دەناسی، لەبەر ئەوەی ئەویش سینەماکار بوو، لە سینەما کاری دەکرد، بەڵام پێکەوە لە پرۆژەیەک کارمان کرد، لەوێ یەکدیمان ناسی و زۆر زوو هاوسەرگیریمان کرد و هەر زۆر زوو هاوسەرگیریمانکرد، لە کاتی ناسین تاوەکو هاوسەرگیری چوار مانگی خایاند.  

 

 

نێرگس محەممەدی: نا، من ئەو کات هاوسەرگیریم نەکردبوو، لە بەرنامەکەش گوتم ، تەنانەت کاتێک بێژەرەکە لێی پرسیم گوتم خوازبێنیم نییە هەموو کەس وا بیریان دەکرد من خوازبینییەکانم رەت دەکەمەوە، بەلام لەراستیدا خوازبێنیم نەبوو، مەبەستم ئەوە بوو کە کۆمەڵگە گۆڕاوە و وەکو پیشتر کەس خوازبێنی ناکات . 

 

 

نێرگس محەممەدی: بۆ نا؟ هەر زۆر کورتەنامەیان دەنارد دەیانگوت بۆ گوتووتە خوازبێنیت نییە، زۆر زۆر ئەو شتە روویدا، ئەو بەرنامەیە زیاتر لایەنی گاڵتەئامێزی هەبوو، بەڵام بۆ من باشییەکەی ئەوەبوو کە عەلیم ناسی و شتێکی باش روویدا.  

 

 

نێرگس محەممەدی: من ئێستا کار لەسەر بەڵگەفیلمێک دەکەم بۆ تیمی وەرزشی تۆپی پێی پێرسپۆلیسە، هەروەها درامایەک هەیە کە بڕیارە لەگەل عەلی کاری لەسەر بکەین و فیلمێکی سینەماییش هەیە.  

 

 

نێرگس محەممەدی: سینەمای ئێرانی ئەگەر لە من بپرسی، من جگە لەوەی کە خۆم ئەکتەری سینەمام، لایەنگرێکی سەرسەختی ئەم سینەمایەم، لە راستیدا سینەمایەکی زۆر کاریگەرە لە جیهان و ساڵانە فیلمەکانی ئێمە لە فێستیڤاڵە جیاوازەکان بەشدار دەبن، لەگەڵ هەموو ئەوە رێگرییانەی کە هەمانە زۆر باش کار دەکەن، تەنانەت ئەکتەرەکانی ئێمە ئەگەر لەگەڵ باشترینەکانی هۆلیوود بەراورد بکرێن ، لەوبڕوایەدام کە لە رووی تەکنیک و ئەکتەری و دەربڕین هیچیان لەوان کەمتر نییە و لەو بڕوایەدام کە لەوانیش باشتر دەبن و هیوادارم ئەم گەشەکردنە بەردەوام بێت و هەر رۆژ پیشکەوتنی زیاتر بەدەست بێنن،  بە بڕاوی من دەتوانێ لە ئاستێکی زۆر باشتر بێت، بەڵام ئێستاش پێگەیەکی باشی هەیە.  

 

 

نیرگز محەممەدی: من هیوای خۆشی بۆ خەڵکی خۆشەویستی کوردستان دەخوازم، لەبەر ئەوەی تاکە شت، کە من دەخوازم ئەوەیە، کە ئەم خۆشەویستییەیان، ئەم دڵخۆشییەیان ، ئەم میواندۆستییەیان هەر بمێنێ و لە نێو نەچێ، لەبەر ئەوی من دەزانم کۆمەڵگە بێ ئەوەی خۆی هەستی پی بکات، هەرچەندە باشیش بیت کۆمەڵگە شتێکت هەر پێ دەدات،  من هیوادارام کە ساڵانی دوور و درێژ هەر بەم شێوەیە بە هێز و سەقامگیری و و ئەم خۆشی و خۆشەویستییە کە هەیانە بۆیان بمێنی.