محەممەد نەزیف قادری: لەبارەی یەکگرتنەوەی دیموکرات بەمزووانە کۆدەبینەوە

 

لەبارەی دوایین زانیارییەکان لەسەر ئەو پرۆسەیە و چۆنیەتی دەستپێکردنەوەو درێژەپێدانی پرۆسەکە، لە هەڤپەیڤینێکدا محەممەد نەزیف قادری، جێگری لێپرسراوی گشتیی و بەرپرسی دەزگای گشتیی پەیوەندییەکانی حیزبی دیموکراتی کوردستانی ئێران (حدکا) ، وەڵامی پرسیارەکانی رووداو دەداتەوە.

 

 

محەممەد نەزیف قادری: ئەوەی پەیوەستە بە پرسی یەکگرتنەوە، ئێمە لە کۆنگرەی شانزەیەمی حیزبەکەماندا بڕیارێکی بەرپرسیارانەمان داوە بۆ زیاتر پێداگربوون و گرنگیدان بە دیالۆگ بە ئاراستەی یەکگرتنەوە و یەکخستنەوەی ریزەکانی حیزبی دیموکرات. بۆیە لەو پەیوەندییەدا ئێمە دوای کۆنگرەی شانزەیەمی حیزبەکەمان هەم بەڕێز کاک مستەفا هیجری لێپرسراوی گشتی حیزب و هەم دەستەی دانوستاندنکارمان جەختمان کردووەتەوە لەسەر گرنگیدان بە پرۆسەی یەکگرتنەوە و دیالۆگ بە ئاراستەی بە ئاکام و بە ئەنجام گەیاندنی ئەو پرۆسەیە.

 

لە ماوەی رابردوو ئێمە دیسان لەسەر ئاستی سەرکردایەتیمان لەگەڵ هاوڕێیانی خۆمان لە قەڵا لە دانوستاندن و گفتوگۆدابووین، ئەو پێویستییەی ئێستا لە ناوچەکەدا دەیبینین لە ئاڵۆگۆڕە سیاسییەکانی ئێران و ناوچەکە و پرسی کورد بە گشتی و داهاتووی کورد لە رۆژهەڵاتی کوردستان، زیاتر لە هەموو کاتێک ئەو پێویستییەی هێناوەتە ئارا و بەبایەخەوە بە گرنگییەکی تەواوەوە پرسی یەکگرتنەوە ئاوڕی لێبدەینەوە.

 

سەبارەت بە قسەکانی بەڕێز مامۆستا عەبدوڵڵا حەسەن زادە، لەو بابەتەی کە بڵاوی کردووەتەوە، هەروەها زۆر کەس و لایەنی دیکەی سیاسی، چ رێکخراوەکانی کۆمەڵگەی مەدەنی و چ کەسایەتییە سیاسییەکانی نێوخۆی رۆژهەڵاتی کوردستان، لە دەرەوەی وڵات و لە هەرێمی کوردستان و دۆستانی بزووتنەوەی کورد، زۆرجار لەسەر پرسی یەکگرتنەوەی ریزەکانی حیزبی دیموکراتی کوردستانی ئێران جەختیان لەوە کردووەتەوە و داوایان لە رێبەرایەتی هەردوولا کردووە گرنگی بەو بابەتە بدەن و بەرەو پیلی یەکگرتنەوە هەنگاوی خێرا و جیددی هەڵبگرن.

 

بۆیە ئێمە سیاسەتمان نەگۆڕە بە نسبەت گرنگیدان بە دیالۆگ لە چوارچێوەی بڕیار و راسپاردەی کۆنگرەی شانزەیەمی حیزبەکەمان.لەو پەیوەندییەدا ئێمە هەوڵی خۆمان دەدەین بەردەوام لەگەڵ هاوڕێیان و دۆستانمان لە پەیوەندیداین، هەوڵیش دەدەین لە داهاتوویەکی نزیکدا و دەستەکانی وتووێژ یان دانوستاندنکارمان لە چوارچێوەی ئەو بڕیارەی کۆنگرەی شانزەیەمی حیزبەکەمان وتووێژ و گفتوگۆیەکانیان دەستپێکردووە.

 

محەممەد نەزیف قادری: نا، کاتەکەی دیاری نەکراوە، بەڵام هەر ئەرکێکی نەتەوەیی و نیشتمانی، یان هەر هەنگاوێکی خێر ئەگەر هەرچی زووتر بە بەرهەم و ئاوات بگات باشترە.

 

بەڵام ئەوە بۆ ئێمە گرنگە، ئەو هەستکردنە بە بەرپرسیاریێتییەوە وەک رێبەرایەتی حیزبی دیموکراتی کوردستانی ئێران و بەتایبەت بەرپرسی گشتی ئێمە کاک مستەفا هیجری کە لەسەر ئەو بابەتە جەختی کردووەتەوە، راسپاردەی دەستەی ئێمەش ئەوەیە بەو ئاراستەیە هەنگاو هەڵبگرین، هیوادارم هاوڕێیانی دیکەشمان بەو گیانی هاوکاری و تەبایی و تەفاهومەی کە لە رێبەرایەتی ئێمەدا هەیە، بێگومان ئەوانیش بەبایەخەوە وەریدەگرن، هەنگاوی خێرا هەڵبگرین بۆ ئەو بابەتە.

 

 

محەممەد نەزیف قادری: ئەوە بابەتێکە خودی رەوتی دیالۆگەکە نیشانی دەدا، چەندە هەنگاوەکان کاریگەر دەبن و چەندە دەتوانین بەو ئامانجە بگەین، بەڵام ئەوەی بۆ ئێمە گرنگە بێگومان ئەو هاوڕێیانەش لەو پەیوەندییەدا ئارەزووی ئاکام و ئەنجامێکی وا دەکەن، ئەویش یەکخستنەوەی ریزەکانی حیزبی دیموکراتە، لەبارەی کاتەوە ناتوانم هیچ بەڵێنێک بدەم، بەڵام ئیرادەی ئێمە لێبڕاوانەو هەنگاوی ئێمە جیددیە و سیاسەتی ئێمە بە نیسبەتی گەیشتن بەو ئامانجە نەگۆڕە.

 

 

محەممەد نەزیف قادری: بەهەرحاڵ ئەزموونی هەر رووداوێکی ناخۆش بۆ پرۆسەی سیاسی و بۆ ئەزموونی سیاسی حیزبێک دەبێت بە بایەخەوە وەربگیرێت، لەسەر بنچینەی ئەزموونەکانی رابردوو بەرخوردی سەلیقەیی دەبێت بونیادی یەکگرتنەوەیەک بدەین کە قەوام و دەوامێکی بەردەوامی بەدواوە بێت و بتوانێت نەوەکانی داهاتوو ئەوانەی دێنە ریزەکانی حیزبی دیموکراتی کوردستانی ئێران بەو ئامانجەوە لەسەنگەری خەبات و بەرخوداندا بن، شاهێدی رووداوێکی لەیەکدابڕان نەبن و ئەو ئەزموونانەی رابردوو ببنە دەرسی خەباتگێڕی و نیشتمانپەروەری بۆ هەموو تاکێکی کورد.

 

 

محەممەد نەزیف قادری: ئێمە لەڕاستیدا گفتوگۆیەکانمان بە مانای راوەستان هەر لە ئارادا نەبووە، ئێمە گفتوگۆ و چاوپێکەوتنمان هەر هەبووە، لەو پەیوەندییەدا هەندێک شتی تەکنیکی بووە، ئەو لایەنە تەکنیکییانە قابیلی زیاتر ئاڵۆگۆڕی تێڕوانینەکان بووە هاوکات لە یەک تێگەیشتنی زیاتر. دەنا ئێمە لەگەڵ ئەو هاوڕێیانەمان بەردەوام دانیشتن و چاوپێکەوتنمان هەبووە لە بەرزترین ئاستی پەیوەندیداین، ئێستاش هەر لە پەیوەندیداین.

 

 

محەممەد نەزیف قادری: دەکرێت لە چوارچێوەی ئەو ئەرک و بەرنامانە تەفسیری بکەین یان پێناسەی بکەین، کە هەنگاوەکان لە هەردوولا چەندە خێرا دەبێت و چەند هەست بە بەرپرسیاریێتیەکە کاریگەر دەبێت بۆ هەڵگرتنی بەربەستەکانی سەر رێگای یەکگرتنەوە.