رووداو دیجیتاڵ
بافڵ تاڵەبانی، سەرۆکی یەکێتیی نیشتمانیی کوردستان پەیوەندییەکی تەلەفۆنیی لە عەباس عێراقچی، وەزیری دەرەوەی ئێرانەوە پێگەیشت. میدیای فەرمیی یەکێتی دەڵێت، باسی جەنگ و پێشهاتە سەربازییەکانیان کردووە.
بەپێی میدیای فەرمیی یەکێتی، لە پەیوەندییە تەلەفۆنییەکەدا بافڵ تاڵەبانی جەختی لە دۆزینەوەی چارەسەری ئاشتییانە بۆ کێشەکان و گەڕانەوە بۆ گفتوگۆ کردووەتەوە بۆ پاراستنی سەقامگیریی رۆژهەڵاتی نێوەڕاست و گوتوویەتی، "یەکێتی هەموو هەوڵەکانی لەو چوارچێوەیەدایە."
وەکو میدیای فەرمیی یەکێتی دەڵێت، وەزیری دەرەوەی کۆماری ئیسلامیی ئێران سوپاسی بافڵ تاڵەبانیی کردووە "لە بەرامبەر رۆڵ و کاریگەریی لە پاراستنی سەقامگیریی عێراق و هەرێمی کوردستان، بە رێزەوە لە پێگەی ئاشتییانەی یەکێتیی لە ناوچەکە روانیوە و رایگەیاند، لە پەیوەندیی بەردەوامدا دەبین."
لە پەیوەندییەکەدا، میدیای فەرمیی یەکێتی دەڵێت، "گفتوگۆ لەبارەی جەنگ و پێشهاتە سەربازییەکانی ئەم دواییانەی ناوچەکە کرا."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ