هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەرایەتیی پۆلیسی راپەڕین رایگەیاند، ژنێک لە گوندی مێرگەسەر سەر بە ناحیەی بێتواتە لە قەزای رانیە "لەکاتی نەوتکردنە زۆپا" سووتاوە.
پۆلیسی راپەڕین دەڵێت، کاژێر 02:00ی پاشنیوەڕۆی ئەمڕۆ [یەکشەممە 4ی نیسانی 2021] دوای ئەوەی هێزەکانمان لە بنکەی پۆلیسی شکارتە ئاگادار کرانەوە بە بوونی "رووداوێکی سووتانی مرۆڤ لە گوندی مێرگەسەر سەر بە ناحیەی بێتواتە/قەزای رانیە، دەستبەجێ هێزەکانمان گەیشتنە شوێنی رووداوەکە، دەرکەوت ژنێک بەناوی (د. ر. ح) لەدایکبووی ساڵی 1998، کە پیشەی ژنی ماڵە، بەهۆی گڕگرتنی زۆپای نەوت سووتاوە".
ژنەکە بەڕێکراوە بۆ نەخۆشخانەی گشتیی رانیە، بە گوتەی ژنەکە، کە لەلایەن پۆلیسی راپەڕینەوە لێی وەرگیراوە، "لەکاتی تێکردنی نەوت لە زۆپا، دەستبەجێ زۆپاکە گڕی گرتووە و بەو هۆیەوە سووتاوە".
بەگوێرەی راپۆرتی پزیشکی، رێژەی سووتاویی ژنەکە 50%ـە. بەهۆی سەختی برینەکەی، برینداری سووتاو بەڕێکراوە بۆ نەخۆشخانەی فریاکەوتنی سلێمانی.
پۆلیسی راپەڕین دەڵێت، دۆسێی لێکۆڵینەوەیان بۆ رووداوەکە کردووەتەوە و لێکۆڵینەوە لە رووداوەکە بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ