هەڵەیەک روویدا! دووبارە هەوڵبدە
رووداو دیجیتاڵ
کەشناسیی هەرێمی کوردستان بڕی ئەو بارانەی ئاشکرا کرد کە پێشبینی دەکرێت هەفتەی داهاتوو ببارێت، لە سەنتەری شارەکان لە نێوان 35- 65 ملیمەتر دەبارێت، لە ناوچە شاخاوییەکانیش 75 تاوەکو 100 ملیمەتر باران دەبارێت.
دیلان رەشاد، گوتەبێژی وەزارەتی گواستنەوە و گەیاندن پێشبینییەکانی کەشناسی بۆ رووداو ئاشکرا کرد، گوتی "شەپۆلێکی بارانبارین هەرێمی کوردستان دەگرێتەوە و کاریگەریی سێ نزمەپاڵەپەستۆی دەریای نێوەڕاست، دەریای سوور و نزمەپاڵەپەستۆی تورکیای لەسەرە."
گوتەبێژی وەزارەتی گواستنەوە و گەیاندن ئاماژەی بەوەدا ناوچەکە بە دوو قۆناخ دەکەوێتە ژێر کاریگەریی ئەو شەپۆلەوە. قۆناخی یەکەم لە رۆژی یەکشەممە، 07-12-2025، تاوەکو رۆژی سێشەممە دەبێت و قۆناخی دووەمیش لە رۆژی چوارشەممە تاوەکو هەینی دەخایێنێت.
بەوپێیە بێت، هەفتەیەکی پڕ لە بارانبارین چاوەڕێی شارەکانی هەرێمی کوردستان دەکات.
بڕی بارانبارینی پێشبینیکراو لە ماوەی قۆناخی یەکەمدا بەم شێوەیە دەبێت:
رۆژی یەکشەممە:
سەنتەری هەولێر: 10-25 ملم
ئیدارەی سۆران: 20-30 ملم
ناوچە شاخاوییەکان: 25-35 ملم
سەنتەری سلێمانی: 15-25 ملم
ئیدارەی راپەڕین: 20-25 ملم
ناوچە شاخاوییەکان: 45-60 ملم
سەنتەری دهۆک: 10-15 ملم
ئیدارەی زاخۆ: 15-20 ملم
ناوچە شاخاوییەکان: 45-60 ملم
سەنتەری هەڵەبجە: 15-25 ملم
ئیدارەی گەرمیان: 15-20 ملم
سەنتەری کەرکووک: 15-20 ملم
رۆژی دووشەممە:
سەنتەری هەولێر: 25-35 ملم
ئیدارەی سۆران: 40-50 ملم
ناوچە شاخاوییەکان: 50-65 ملم
سەنتەری سلێمانی: 35-45 ملم
ئیدارەی راپەڕین: 45-50 ملم
ناوچە شاخاوییەکان: 60-70 ملم
سەنتەری دهۆک: 20-35 ملم
ئیدارەی زاخۆ: 35-45 ملم
ناوچە شاخاوییەکان: 60-70 ملم
سەنتەری هەڵەبجە: 25-30 ملم
ئیدارەی گەرمیان: 35-45 ملم
سەنتەری کەرکووک: 15-25 ملم
محەممەد کەمال، شارەزای کەشوهەوا، ئەمڕۆ بە تۆڕی میدیایی رووداوی گوت: "لە حەوتی مانگ شەپۆلەکە دەستپێدەکات و 13 و 14ـی مانگ کۆتایی دێت. رۆژی یەکشەممە شەپۆلەکە لاواز دەبێت، بەڵام رۆژانی 8، 9 و 10ـی کانوونی دووەم چەقی شەپۆلەکە دەبێت و لە هەموو ناوچەکانی هەرێمی کوردستان ئەگەری بارانی بەهێز هەیە."
بەگوێرەی پێشبینییەکانی ئەو کەشناسە، "مەترسیی دروستبوونی لافاو لە ناوچەکانی پارێزگای کەرکووک، دەشتی هەولێر و دەوروبەری، ئیدارەکانی گەرمیان و سۆران و بادینان هەیە، کە زۆرترین باران دەبارێت و کەمترین بڕ 45 ملیم دەبێت، هەروەها لە ناوچە شاخاویی و کوێستانییەکان ئەگەری بەفربارین هەیە."
سەبارەت بە کەشوهەوای ئەمڕۆ پێنجشەممە، کەشناسیی هەرێمی کوردستان رایگەیاند: "ئاسمان پەڵەهەور و هەندێک کات بۆ نیمچەهەور دەگۆڕێت. سبەیش ئاسمان پەڵەهەور و نیمچەهەور دەبێت."
بەگوێرەی کەشناسی، سبەی لە باشووری کوردستان پلەکانی گەرما بەمشێوەیە دەبن:
هەولێر: 20 پلەی سیلیزی
سلێمانی: 19 پلەی سیلیزی
دهۆک: 19 پلەی سیلیزی
زاخۆ: 20 پلەی سیلیزی
هەڵەبجە: 18 پلەی سیلیزی
گەرمیان: 23 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ