رووداو دیجیتاڵ
قایمقامی بانەی پارێزگای سنە هەموو ئەو دەنگۆیانە رەتدەکاتەوە کە باس لە چۆڵکردنی شارەکە دەکەن و دەڵێ، فەرمانێکی لەو شێوەیە دەرنەکراوە و بە تەواوی ناڕاستە.
رۆژی هەینی، 06-03-2026، ئەحمەد محەممەدڕەزایی، قایمقامی شاری بانەی سەر بە پارێزگای سنەی رۆژهەڵاتی کوردستان رایگەیاند، ''ئەوە دەنگۆیەی کە سەبارەت بە بڕیاری قایمقامییەت بۆ چۆڵکردنی شارەکە بڵاوکراوەتە، بە تەواوی ناڕاستە.''
ئەحمەد محەممەد رەزایی داوا لە خەڵک دەکات ئارامی خۆیان بپارێزن و ''گوێ بەو دەنگۆیانە نەدەن کە باس لە چۆڵکردنی شارەکە و رۆیشتنی دانیشتووانی بەرەو گوندەکان دەکات.''
لەگەڵ بەردەوامیی جەنگی نێوان ئیسرائیل-ئەمریکا و ئێران کە 28ـی شوبات دەستیپێکردووە، چەندین جار هەواڵی چۆڵکردنی ناوچە سنوورییەکان بەتایبەتی لە رۆژهەڵاتی کوردستان بڵاوکرایەوە، بەڵام هەر زوو لەلایەن بەرپرسانەوە رەتدەکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ