رووداو دیجیتاڵ
وەزارەتی پێشمەرگە دەڵێت، سبەی دەست بە دابەشکردنی هاوکاریی هاوپەیمانان دەکرێت بۆ مانگی 9.
وەزارەتەکە بڵاویکردووەتەوە، دوای ئەوەی هاوکاریی دارایی هاوپەیمانان بۆ مانگی 9 خرایە سەر هەژماری وەزارەتەکە، رۆژی دووشەممە، 06-10-2025، دەست بە دابەشکردنی هاوکارییەکە دەکەن.
وەزارەتی پێشمەرگە دەڵێت، زیاتر لە 97٪ـی پلەدار و پێشمەرگە لەڕێگەی پڕۆژەی 'هەژماری من' هاوکارییەکە وەردەگرن، ئەوانی دیکەش لە رێگەی سیستمی بانکییەوە هاوکارییەکە وەردەگرن.
دەقی راگەیێندراوی وەزارەتی پێشمەرگە:
ئەمڕۆ 5ـی ئۆکتۆبەری 2025، هاوکاریی دارایی هاوپەیمانان بۆ مانگى (9) تەمویلی وەزارەتی پێشمەرگە کرا، لەلایەن بەڕێوەبەرایەتیى گشتیى بودجە و بەرنامەکان (ژمێریارى سەربازى) دەستدەکرێت بە ئەنجامدانی رێکارە دارایی و ژمێریارییەکان بۆ تەواوکردنی ئامادەکارییەکان و بۆ ئەم مەبەستەش رۆژی دووشەممە، بەرواری (6)ی ئۆکتۆبەر دەست بە دابەشکردنی دەکرێت.
لەم مانگەدا، نزیکەی (97٪) ئەفسەر و پلەدار و پێشمەرگە بە سیستمی پڕۆژەی هەژماری من هاوکاریی هاوپەیمانان وەردەگرن، ئەوانەی تریش لە رێگەی سیستمی بانکییەوە هاوکارییەکان وەردەگرن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ