رووداو دیجیتاڵ
لە شارۆچکەی کۆپ سەر بە پارێزگای مووشی باکووری کوردستان سەقفی خانوویەک، کە لە قوڕ دروستکرابوو، داڕما؛ بەهۆیەوە ژنێکی بەساڵاچوو گیانی لەدەستدا و هاوژینەکەشی بریندار بوو.
رووداوەکە رۆژی دووشەممە 5ی ئایاری 2025 لە گوندی گۆڵچیمان نزیک لە ناوەندی شارۆچکەی کۆپ روویدا.
سەقفی ماڵێک کە لە قوڕ دروستکرابوو، بە هۆکارێکی نادیار داڕما. ژنێکی تەمەن 85 ساڵ بەناوی زەینەب ئاتاچ، کە لەژێر داروپەردووی خانووە رووخاوەکەدا گیری خواردبوو، گیانی لەدەستدا و هاوژینە تەمەن 87 ساڵەکەشی بریندار بوو.
تیمەکانی فریاکەوتن گەیشتنە شوێنی رووداوەکە و بریندارەکەش گوێزرایەوە بۆ نەخۆشخانەی دەوڵەت لە شارۆچکەی کۆپ. هاوکات لێکۆڵینەوە لە رووداوەکە دەستیپێکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ