هەڵەیەک روویدا! دووبارە هەوڵبدە
سەرقاڵی دانیشتووانی گوندی سرێشمە بە پارچە پارچە کردنی گۆشتی ئاژەڵەکان
رووداو دیجیتاڵ
دانیشتووانی گوندی سرێشمەی باڵەکایەتی دوای جەژنەپیرۆزەیان لە یەکدی هەموویان پێکەوە لە مزگەوت نانی بەیانی دەخۆن. ئەو گوندە ژمارەی ماڵەکانی 25ـە و هەموو ماڵێک ئاژەڵێک دەکاتە قوربانی، پڕۆسەکەشیان بەهەرەوەزیە. شارەزان و هەموویان کاری قەسابی دەزانن.
شوان محەممەد، مامۆستای ئایینی گوندی سرێشمەیە و گوتی، ئاژەڵەکان 24 سەر بزنن، یەک دانە مانگایە کە دەکرێنە قوربانی و ژمارەی ماڵەکانی گوندیش 25 ماڵن، گۆشتێکی باش بەر دانیشتووان دەکەوێت و هەموو ماڵێک چەند کەسن یان نا بەشە قوربانییەکەیان وەک یەکە.
بەر لەوەی دەست بە پڕۆسەی دابەشکردنەکە بکرێت، ماڵەکانی گوند جەرگ و بەز بۆ خوانی نیوەڕۆ ئامادە دەکەن. لەگەڵ نوێژی بەیانی پیاوەکانی گوند چوونەتە نوێژی جەژن و دواتریش بە کوشتنەوەی ئاژەڵ ماندوون پێویستە نیوەڕۆ خواردنێکی چەور و بەلەزەت بخۆن.
تەواوی گۆشتی قوربانییەکە 501 کیلۆگرامە، دابەشی سەر 25 ماڵ دەکرێت. گۆشتەکەیان خۆماڵییە و دابەستەی بازاڕنین، 21 ماڵی گوند ئاژەڵدارن و گۆشتەکە بەرهەمی لە وەڕگەی گوندەکەیانە
ئەحمەد مستەفا، موختاری گوندەکەیە و گوتی، "شوکر بۆ خودا لە گوند خاوەن ئاژەڵدار زۆرن و ئەوانەی ئاژەڵیان نییە هەر لێرە دەیکڕن. گۆشتەکەمان دەرمانە نەک لە بازاڕ کڕیبێتمان و نەزانین ئاژەڵەکە بەچی گەورە کراوە."
بە نزیکەی چوار کاژێر پڕۆسەکەیان تەواوکرد، بەشی هەموو ماڵێک دیاریکرا، تاوەکو پڕۆسەکە تەواوبوو گوند چوار میوانیشی بۆ هاتن و بە دەستی پڕ گەڕانەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ